Gunnar Helgi Kristinsson, prófessor í stjórnmálafræði, telur „að það þurfi alveg sérstaka trúgirni“ til að fallast á þá skýringu Ólafs Ragnars Grímssonar, forseta Íslands, að undirskriftir 31.000 stuðningsmanna hans hljóti að kalla á endurmat á þeirri ákvörðun að láta af embætti í sumar.
Í umfjöllun um þetta í Morgunblaðinu í dag bendir Gunnar Helgi máli sínu til stuðnings á að forsetinn hefði getað stöðvað undirskriftasöfnunina í fæðingu ef hann hefði verið ákveðinn í að hætta. „Þetta hlýtur að vera eitthvað sem hann hefur verið að bræða með sér.“