7 milljónir í endurfundi stjórnlagaráðs
Setja bókamerki
Kostnaðurinn við að kalla stjórnlagaráð saman að nýju í 4 daga í mars var rúmar sjö milljónir króna. Þetta kemur fram í svari forseta Alþingis við fyrirspurn Vigdísar Hauksdóttir þingmanns Framsóknarflokksins.
Alþingi ákvað í lok febrúar að kalla stjórnlagaráð saman að nýju í fjóra daga til að fara yfir athugasemdir frá stjórnskipunar- og eftirlitsnefnd Alþingis við tillögur ráðsins að breytingum á stjórnarskrá.
Vigdís Hauksdóttir fór fram á sundurliðaða kostnaðargreiningu við fundi stjórnalagaráðs, dagana 8. - 11. mars síðastliðna. Í svari þingforseta kemur fram að heildarkostnaður var 7.082.211 krónur. Þar af var mestur kostnaður við launagreiðslur ráðsfulltrúa, alls 3.293.587 krónur, en næstmestur í kostnað við aðra starfsmenn, rúmar 1,9 milljónir.
Húsnæðiskostnaður vegna stjórnlagaráðs þessa daga var 826.000 auk 392.560 króna í hótelkostnað og fæði. Annar kostnaður var samtals 644.095 krónur en til þess telst t.d. ferðakostnaður, ljósmyndarar, sími, nettenging o.fl.
Stofna framkvæmdanefnd um málefni Grindavíkur
Enginn tími til að hemla
„Fólk þolir óvissu í ákveðinn tíma“
Móðirin sögð hafa játað að verða syni sínum að bana
Alltaf að baksa í moldinni
Lyklakippur gegn ofbeldi
Hundrað prósent vampíra