Telja gróflega á sér brotið

Eigendur og ábúendur á Vesturhúsajörðum í Dyrhólahverfi telja gróflega á sér brotið en Mýrdalshreppur og nokkrir aðrir eigendur jarða í austurhluta Dyrhólahverfis haf alátið þinglýsa yfirlýsingu um að þeir séu eigendur Dyrhólaeyjar. Ætla eigendurnir í mál til að fá til að fá eignarrétt sinn viðurkenndan.

Í fréttatilkynningu frá eigendum og ábúendum á Vesturhúsajörðum segir:

Í fjölmiðlum undanfarna daga hefur komið fram að Mýrdalshreppur og nokkrir aðrir eigendur jarða í austurhluta Dyrhólahverfis í Mýrdal (svonefndra Austurhúsajarða) hafi látið þinglýsa yfirlýsingu um að þeir einir séu eigendur Dyrhólaeyjar.

Eigendur jarða í vesturhluta Dyrhólahverfis (svonefndra Vesturhúsajarða) telja með þessu gróflega á sér brotið og líta svo á að þinglýsing á einhliða eignayfirlýsingu hafi verið óheimil.

Munu þeir höfða mál gegn sveitarfélaginu og öðrum landeigendum Austurhúsajarða til að fá viðurkenndan helmingseignarrétt sinn í Dyrhólaey, eins og verið hefur um aldaraðir.　

Engar breytingar hafa orðið á eignarhaldi Dyrhólaeyjar frá því er elstu heimildir greina um. Dyrhólaey hefur frá örófi alda verið óskipt sameignarland allra jarðanna í Dyrhólahverfi og ábúendur þeirra hafa sameiginlega annast umhirðu og verndun eynnar. Einhliða eignayfirlýsing eigenda Austurhúsajarða er tilraun til sjálftöku sem eigendur Vesturhúsa munu ekki una.

• 1 blogg um fréttina

Bloggað um fréttina

• Njörður Helgason: Íhugar að fara í mál við sjálfan sig.