Vísa verður bráðveiku fólki burt

Sjúklingar hafa í auknum mæli þurft að liggja á göngum ...
Sjúklingar hafa í auknum mæli þurft að liggja á göngum Landspítalans. mbl.is/Árni Sæberg

Þann 1. mars verða legudeildir krabbameinslækninga og blóðlækninga sameinaðar á Landspítala ef yfirvofandi uppsagnir hjúkrunarfræðinga ganga eftir um mánaðamótin.

Sjúkrarúmum á þessum tveimur deildum fækkar þá um helming, úr 28 í 14. Fólkið sem þar liggur er alvarlega veikt. Hjúkrunarfræðingur sem sagt hefur upp segist m.a. gera það af ótta við að gera alvarleg mistök í starfi vegna álagsins.

Á krabbameinslækningadeild hafa 11 hjúkrunarfræðingar af 18 sagt upp störfum. Svipaða sögu er að segja af mörgum öðrum deildum, því uppsagnir alls 260 hjúkrunarfræðinga taka gildi eftir 3 vikur.

Sjúklingar fá ekki inni á Landspítalanum

Halldóra Hálfdánardóttir, hjúkrunardeildarforstjóri á krabbameinslækningadeild segir að á flestum sviðum spítalans sé verið að vinna neyðaráætlanir um hversu mikilli starfsemi unnt verði að halda úti miðað við skertan starfsmannafjölda. Við Hringbraut stendur m.a. til að sameina krabbameins- og blóðlækningadeildirnar í eina og sömuleiðis hjarta- og meltingardeild.

Samanlagt fækkar þá plássunum þar úr 52 í 32, en þessar deildir eru nú þegar yfirfullar. Þetta þýðir ekkert annað en það að vísa verður bráðveiku fólki burt frá spítalanum. „Þetta er mjög veikt fólk sem ég veit satt að segja ekki hvað verður um, því ekki verður það á Landspítalanum,“ segir Halldóra.

Býr sig undir það versta

Þessa stundina liggja 16 manns á krabbameinslækningadeild þótt aðeins séu pláss fyrir 14. Tveir liggja því í fundarherbergjum. Halldóra segir að sjúklingar á deildinni séu mun veikari almennt í dag en fyrir nokkrum árum, því um leið og fólk teljist sjálfbjarga sé það útskrifað til að hleypa öðrum að.

„Það er enginn hérna nema hann sé virkilega veikur. Á eftir munum við taka á móti sjúklingi sem er verið að senda til okkar af bráðamóttökunni, en hann var útskrifaður héðan í gær. Þannig að við erum að senda fólk heim mjög snemma.“ Halldóra segir að ef það gangi eftir að rúmur helmingur hjúkrunarfræðinga á deildinni hætti verði ekki hægt að halda úti sömu starfsemi. 

„Með þeim hjúkrunarfræðingum sem ég hef eftir gæti ég kannski mannað deildina frá mánudegi til miðvikudags og varla það. Þetta er virkilega alvarlegt mál og ég veit hreinlega ekki hvernig þetta verður. Auðvitað vonum við að einhverjir dragi uppsagnirnar til baka en maður er mátulega bjartsýnn á það miðað við hvernig staðan er.“ Halldóra segist því vona það besta en búa sig undir það versta.

Spítalinn að molna innan frá

Anna Gyða Gunnlaugsdóttir er ein þeirra hjúkrunarfræðinga sem hætta um mánaðamótin á krabbameinslækningadeild. Hún lauk námi árið 1982, hefur unnið á ýmsum sviðum hjúkrunar síðan og segist alltaf hafa haft gaman af starfinu. Það er því með mikilli eftirsjá sem hún segir upp.

„Mér bara ofbýður hvernig ástandið er, fólk fær ekki þá þjónustu sem það þarf. Við mokum fólki út af spítalanum en það er ekkert almennilegt sem tekur við. Þetta er alltaf að versna og nú er komið að einhverjum mörkum. Það er eins og þetta sé að molna innan frá og maður krossar bara fingur um að maður þurfi ekki sjálfur á þjónustu spítalans að halda.“

Óttast að fara í vinnuna

Það eru því ekki launin ein sem gera það að verkum að Anna Gyða ætlar að hætta störfum. Í pistli sem hún deildi á facebook síðu hjúkrunarfræðinga eftir uppsögnina segist hún ekki geta annað vegna álagsins.

„Ég finn oft fyrir óttatilfinningu þegar ég fer í vinnuna. Hvað verða margir í vinnunni í dag? Það er nú farið að ræða að öryggi sjúklinga á LSH sé ógnað vegna niðurskurðar og vinnuálags, nokkuð sem aldrei hefur mátt segja opinberlega. EN. Mér finnst öryggi mínu sem starfsmaður ekki síður ógnað. Hvað ef katastrófísk mistök gerast? Ég hef lent í því að gera alvarleg lyfjamistök í vinnuaðstæðum sem voru óboðlegar, það var eftirminnileg reynsla sem ég vona að fáir lendi í,“ skrifaði Anna Gyða.

Hvert á fólkið að fara?

Þetta er raunar í annað sinn sem Anna Gyða segir upp á Landspítalanum, því hún er nýbyrjuð þar aftur eftir nokkurra ára hlé. Síðast starfaði hún á öldrunardeildinni á Landakoti en söðlaði um árin 2010-2012 og fór í ljósmyndanám því henni ofbauð sú þjónusta sem gamla fólkinu var boðin. Hún ætlaði að hætta hjúkrun til framtíðar en gamli starfsvettvangurinn togaði og hún hóf aftur störf á Landspítala í fyrra en hrökklast nú aftur burt.

Aðspurð segir Anna Gyða að starfsfólk geti einfaldlega ekki unnið vinnuna sína eins vel og það vill og hún sé „skíthrædd við að gera mistök. Maður er með líf fólks í höndunum og þetta er hundveikt fólk. Þegar ég fór heim úr vinnunni í gær urðum við að setja tvo fram á gang. Áður var það aldrei gert á þessari deild, nú er það að verða daglegt brauð. Og nú er talað um að sameina deildir og hvert á þetta fólk þá að fara? Það verður einhver að taka við þeim.“

Hún segist því miður ekki hafa mikla trú á því að laun hjúkrunarfræðinga verði hækkuð neitt af viti en bindur þó vonir við að með fjöldauppsögnunum myndist nægilegur þrýstingur til að bragarbót verði gerð á spítalanum með betri mönnun og aðbúnaði. „Það eru ekki bara launin, það er líka vinnuaðstaðan,“ segir Anna Gyða.

Sjálf ætlar hún að snúa sér aftur að ljósmyndun auk þess sem hún gerir ráð fyrir að taka að sér afleysingar eftir þörfum hjá sjúkrastofnunum úti á landi. „Ég er með svo víðtæka starfsreynslu þannig að ég get hoppað inn í ýmis störf sem afleysingahjúkka úti á landi. Mig langar að koma aftur [á Landspítalann], en ég er alveg ákveðin í því að fara.“

Halldóra Hálfdánardóttir, hjúkrunardeildarstjóri á krabbameinslækningadeild 11E
Halldóra Hálfdánardóttir, hjúkrunardeildarstjóri á krabbameinslækningadeild 11E mbl.is
Hjúkrunarfræðingar afhenda velferðarráðherra undirskriftalista og launaseðla í haust.
Hjúkrunarfræðingar afhenda velferðarráðherra undirskriftalista og launaseðla í haust. mbl.is/Styrmir Kári
mbl.is

Innlent »

Haustlægð kemur í heimsókn

07:07 Haustið er gengið í garð með öllum sínum haustlægðum og í dag kemur ein slík í heimsókn. Hlýskil hennar ganga norður yfir landið og fylgir þeim talsverð eða mikil rigning, mest á Suðausturlandi og Austfjörðum, þó í mun minni mæli fyrir norðan, segir í hugleiðingum veðurfræðings Veðurstofu Íslands. Meira »

Fann mikið magn peninga

06:59 Heiðvirður borgari kom á lögreglustöðina í Reykjanesbæ í gærkvöldi með peningaveski sem hann hafði fundið. Í veskinu er mikið magn reiðufjár sem lögreglan vill koma í réttar hendur. Meira »

Fluttur á slysadeild eftir árekstur

06:49 Einn var fluttur á slysadeild með minni háttar meiðsl eftir árekstur við Kópavogslæk seint í gærkvöldi.   Meira »

Lögregla lokaði skemmtistað

06:39 Lögreglan á höfuðborgarsvæðinu þurfti að loka skemmtistað í Kópavogi í nótt þar sem þar reyndist vera töluverður fjöldi krakka undir aldri á staðnum þegar lögreglan kom þangað í eftirlitsferð um þrjúleytið. Meira »

Stjórnlaus af sveppaneyslu

06:34 Rétt eftir miðnætti þurfti lögreglan á höfuðborgarsvæðinu að flytja mann sem var í mjög annarlegu ástandi sökum neyslu sveppa á slysadeild Landspítalans. Meira »

Íslensku konurnar áfrýja í PIP-málinu

05:30 Flestar þeirra íslensku kvenna sem hlutu greiðslur frá þýska fyrirtækinu TÜV Rheinland, vegna PIP-brjóstapúðamálsins, vilja áfrýja málinu á næsta dómstig. Meira »

Þrír milljarðar urðu eftir í þrotabúum

05:30 Helmingur sáttagreiðslu Deutsche Bank til Kaupþings, um 212,5 milljónir evra eða um 27 milljarðar króna, rann fyrst í gegnum félögin Chesterfield og Partridge, sem eru í gjaldþrotameðferð, og barst þaðan til Kaupþings. Meira »

Vilja vinna þangi í Breiðafirði

05:30 Íslenska kalkþörungafélagið hefur nú mikinn áhuga á að hefja vinnslu á þangi í Breiðafirði með aðstöðu í Stykkishólmi.  Meira »

Ferðamenn í íbúð Félagsbústaða

05:30 Félagsbústaðir hf. munu senda öllum leigutökum sínum, sem eru um 2.500 talsins, bréf til að vekja athygli þeirra á því að framleiga íbúða til ferðamanna sé með öllu óheimil. Meira »

Undiralda í Framsóknarflokknum

05:30 Gunnar Bragi Sveinsson, þingmaður Framsóknarflokksins í Norðvesturkjördæmi, segir marga framsóknarmenn „æfa“ yfir því baktjaldamakki sem nú standi yfir í Skagafirði. Það geti „stórskaðað“ flokkinn svo skömmu fyrir þingkosningar. Meira »

Vísbendingar um nokkurt launaskrið

05:30 Merki eru um að eitthvert launaskrið sé komið í gang á vinnumarkaði um þessar mundir en launavísitalan í ágúst hækkaði um 0,2% frá fyrri mánuði. Síðastliðna tólf mánuði hefur launavísitalan hækkað um 7,2% samkvæmt tölum sem Hagstofan birti í gær. Meira »

Fundalota um verðmæta stofna

05:30 Ekki eru taldar miklar líkur á að heildarsamkomulag náist á fundum strandríkja í næsta mánuði um uppsjávarveiðar í Norður-Atlantshafi. Í makríl, kolmunna og norsk-íslenskri síld hefur síðustu ár verið veitt umfram ráðgjöf vísindamanna og samstaða hefur ekki náðst á fundum um stjórnun veiðanna. Meira »

Andlát: Guðni Christian Andreasen

05:30 Guðni Christian Andreasen bakarameistari lést á heimili sínu 67 ára að aldri.   Meira »

Endurupptaka Geirfinnsmálsins peningasóun

Í gær, 22:01 Jón Gunnar Zoëga, lögmaður og réttargæslumaður Valdimars Olsen sem sat saklaus í gæsluvarðhaldi grunaður um aðild að hvarfi Geirfinns Einarssonar, segir það peningasóun að taka Guðmundar- og Geirfinnsmálin upp að nýju fyrir dómstólum. Þau seku í málinu hafi verið dæmd. Meira »

Stormur og hellidemba á morgun

Í gær, 20:45 „Þetta er nú lítið spennandi veður. Mikið vatnsveður og hvasst með þessu en þetta er ekki mest spennandi laugardagur sem við höfum upplifað,“ segir Theodór Freyr Hervarsson, veðurfræðingur á Veðurstofu Íslands, um veðrið á morgun. Meira »

VG stærsti flokkurinn

05:30 Vinstrihreyfingin – grænt framboð er stærsti flokkur landsins skv. könnun Félagsvísindastofnunar fyrir Morgunblaðið. Flokkurinn nýtur fylgis 30% kjósenda og fengi skv. því 22 þingmenn, en hefur nú 10. Umtalsverður munur er á fylgi VG eftir kynjum. Ætla 20% karla að kjósa flokkinn en 40% kvenna. Meira »

Missti af því að byrja að drekka

Í gær, 21:20 Marta Magnúsdóttir segir að í skátunum hætti enginn að leika sér. Þessi 23 ára skátahöfðingi Íslands hefur ferðast víða um heim og er meira að segja pólfari. Hún er uppalin í Grundarfirði og unir sér illa í borgum. Hún segir að það besta við að vera í skátunum sé að maður fái að vera maður sjálfur. Meira »

Hatursorðræða er samfélagsmein

Í gær, 20:20 Ísland er langt á eftir norrænum ríkjum þegar kemur að umræðu og lagasetningu um hatursorðræðu. Þetta kom fram á ráðstefnu um hatursorðræðu í íslensku samfélagi sem fram fór í Hörpu í dag á vegum Æskulýðsvettvangsins. Meira »
BMW klossar, olíusía og olíusíuverkfæri
BMW bremsuklossa sett framan Báðum megin framan. Passar á eftirfarandi hjól ...
PÚSTKERFI Á HAGSTÆÐU VERÐI
Eigum fyrirlyggjandi PÚSTKERFI í flestar tegundir bifreiða. Einnig STÝRISLIÐI ...
Getum útvegað allt frá Bretlandi á mun lægra verði........
Getum útvegað allt frá Bretlandi á mun lægra verði sem viðkemur vinnuvélum, trak...
Honda tanktaska
Góð original Honda tanktaska sem passar á flestar tegundir hjóla af Hondu. Seg...
 
Maat á umhverfisáhrifum
Tilkynningar
Mat á umhverfisáhrifum Athu...
L edda 6017091919 i fjhst
Félagsstarf
? EDDA 6017091919 I Fjhst Mynd af au...
Opinn fundur
Fundir - mannfagnaðir
Sjálfstæðisflokkurinn í Hafnarfi...
Framhaldssölur
Nauðungarsala
Uppboð Einnig birt á www.naudungarsolu...