„Þetta er sambland af snjónum sem eftir er og ösku sem er að fjúka,“ segir Ingveldur Guðný Sveinsdóttir á Rauðuskriðum í Fljótshlíð. Eins og sjá má á meðfylgjandi myndum er fremur grátt um að litast á bænum í dag. Þar er þó ekki sama ástand og víðar á landinu þar sem ófært er og skafbylur.

Öskubylur með Markarfljóti

Ingveldur segist ekki sjá yfir á bæina undir Eyjafjöllum, sem alla jafna ættu að blasa við henni frá bæjarstæðinu, en Markarfljótið rennur þar á milli. Öskubylur sé með fljótinu þar sem mikið magn gosefna finnist ennþá þótt nokkuð sé síðan eldgosinu lauk í Eyjafjallajökli vorið 2011.

„Við þorðum ekki annað en að setja þá inn í gærkvöldi og okkur dettur ekki til hugar að setja þá út á meðan þetta er svona,“ sagði Ingveldur Guðný um hesta á bænum sem voru hýstir áður en versta veðrið skall á.

Rauðuskriður standa rétt við fjallið Stóra-Dímon þar sem ferðamaður hafði í gær tjaldað. Það má ljóst vera af myndunum að vistin hefur vart verið góð hafi hann haldið því til streitu að gista undir Stóra-Dímon í nótt.

Rauðuskriður fremst á myndinni. Stóri-Dímon á miðri mynd. Eyjafjöll í fjarska. www.mats.is

Svona er umleikis á Rauðuskriðum í Fljótshlíð í dag. Ljósmynd/Ingveldur Guðný Sveinsdóttir

Tengdar fréttir

Óveður í marsbyrjun

Óveðrið kostaði 15 milljónir

• Tjón skiptir hundruðum milljóna
• Kortleggja á vandann hjá bændum
• Brjálæðisleg þjónustulund verðlaunuð
• Fara yfir aðgerðir og fínstilla skipulag

» Fleiri tengdar fréttir

• Blogga um frétt