„Þegar Ísland varð illa úti í alþjóðlegu fjármálakrísunni árið 2008 leituðu margir eftir bjargvætti. Evrópusambandið var tekið í misgripum fyrir bjargvætt og umsókn um inngöngu í sambandið send af stað,“ segir Søren Søndergaard, Evrópuþingmaður fyrir dönsku samtökin Folkebevægelsen mod EU, vegna þeirrar ákvörðunar nýrrar ríkisstjórnar Íslands að setja á ís viðræðurnar um inngöngu landsins í Evrópusambandið.

Søndergaard, sem situr í nefnd Evrópuþingsins sem heldur utan um samskipti við Ísland, Noreg og Sviss, segir ennfremur í fréttatilkynningu á heimasíðu samtakanna að efnahagserfiðleikarnir innan Evrópusambandsins og einkum á evrusvæðinu haft mikil áhrif á afstöðu fólks á Íslandi. Á meðan hagvöxtur minnki eða standi í besta falli í stað á evrusvæðinu hafi hann aukist á Íslandi. Og á meðan atvinnuleysi sé stjórnlaust í Evrópusambandinu og skapi óróa og fátækt hafi það minnkað mikið á Íslandi. Líkir hann sambandinu við farþegaskipið feiga Titanic en fyrirsögn tilkynningarinnar er: „Ísland vill ekki um borð í Titanic“.

Hann segir að ákvörðun Íslands sé alvarleg ofanígjöf við Evrópusambandið sem hafi ekki aðeins orðið sífellt óvinsælla á meðal íbúa þess heldur hafi nú fengið slíka ofanígjöf frá ríki sem búi að langri lýðræðishefð. Það líti ekki vel út í ferilskrá sambandsins.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 4 blogg um fréttina

Bloggað um fréttina

• Guðjón Sigþór Jensson: Ýmsu ólíku ruglað saman
• Páll Vilhjálmsson: Samfylking selur miða í Titanic
• Ægir Óskar Hallgrímsson: Vel orðað.
• Samtök um rannsóknir á ESB ...: Titanic lítur ekki vel út til björgunar Íslandi