Besti flokkurinn býður fram að nýju
Setja bókamerki
Besti flokkurinn mun að nýju bjóða fram í sveitarstjórnarkosningunum sem fram fara á næsta ári. Hins vegar er alls óvíst hvort Jón Gnarr borgarstjóri muni vera á lista flokksins. „Mig langar til þess og mig langar ekki til þess,“ sagði Jón Gnarr í Morgunútvarpi Ríkisútvarpsins í morgun.
Jón sagðist bæði ekki búinn að gera það upp við sjálfan sig hvort hann hyggist halda áfram í stjórnmálum auk þess sem hópurinn, Besti flokkurinn, hafi ekki gefið sér tíma til að setjast niður og ræða það mál. „Ég er náttúrlega ekki einn í þessu. Ég dró töluvert mikið af fólki í þetta þannig að ég hluti af heild.“
Hann sagði það hins vegar liggja nokkuð ljóst fyrir að Besti flokkurinn muni bjóða fram í sveitarstjórnarkosningunum að ári. Hins vegar liggi ekki fyrir hverjir skipa lista.
Spurður að því hvort hann langi til þess að halda áfram sagði Jón að dagamunur væri á því. „Ég er bara ekki tilbúinn að svara því að svo stöddu, en von að ég geti gert það fljótlega.“
Hafa þurft að stugga við fólki
Landrisið gæti hafa stöðvast og gosið virðist eflast
Verkefnin snúa að velferð fólksins
Brotum fjölgar og lögregla oftar vopnuð
„Síðustu leifar náttúrulegs lífs á Íslandi“
Rímar „engan veginn“ við Veðurstofuna