Almannavarnir hvetja landsmenn til að ganga frá lausum munum utandyra, útigrillum,  garðhúsgögnum, trampólínum og þess háttar, en tjón getur hlotist af fjúkandi munum í hvassviðrinu.

Í viðvörun frá Veðurstofu Íslands er gert ráð fyrir miklu hvassviðri eða stormi vestantil á landinu þegar líður á daginn. Einnig eru horfur á roki allra nyrst í nótt. Þá má gera ráð fyrir mikilli úrkomu á NV-landi og Tröllaskaga í kvöld og nótt, rigningu á láglendi en snjókomu ofan 150 -250 metra yfir sjó.

Búast má við mjög snörpum vindhviðum (35 til 40 m/s) sunnan- og vestanlands í kvöld, en á austanverðu landinu á morgun, samkvæmt viðvörun sem Veðurstofan hefur gefið út.

Spáð er ófærð með snjókomu á vegum þegar komið er í 150–250 metra hæð yfir sjó, sérstaklega um landið vestan- og norðanvert. Vegfarendur og ferðalangar eru hvattir til að kynna sér upplýsingar um veður og færð áður en lagt er af stað í ferðalög.

Tengdar fréttir

Óveðri er spáð um helgina

Verkefnum björgunarsveita lokið

• Björgunarsveitir kallaðar út
• Rifnaði upp með rótum í miðborginni
• Réttað í grenjandi rigningu
• 35-40 metrar á sekúndu í hviðum

» Fleiri tengdar fréttir

• Blogga um frétt