Mótmælendur bornir af svæðinu
Setja bókamerki
Hópur mótmælenda er mættur við Gálgahraun til þess að mótmæla framkvæmdum við nýjan Álftanesveg en framkvæmdir hófust að nýju við veginn í gær undir lögregluvernd. Um 20-30 mótmælendur voru mættir í morgun og fóru 6-7 þeirra inn á vinnusvæðið og settust niður fyrir framan vinnuvélar að sögn lögreglu. Voru þeir þá bornir út af svæðinu.
Samkvæmt upplýsingum frá lögreglu hafa mótmælendur ekki gert frekari tilraunir til þess að fara inn á vinnusvæðið en um 20 lögreglumenn eru nú á staðnum. Framkvæmdir eru hafnar að nýju við veginn undir lögregluvernd líkt og í gær. „Þeir hafa haldið sig fyrir utan línu sem hefur verið mörkuð hérna og fylgjast með,“ segir Kristján Helgi Þráinsson, aðalvarðstjóri hjá lögreglunni á höfuðborgarsvæðinu, í samtali við mbl.is.
Lögreglan stóð í ströngu í gær við að flytja mótmælendur af vinnusvæðinu eins og mbl.is greindi frá og voru margir þeirra handteknir og færðir í fangaklefa fyrir að hlýða ekki fyrirmælum lögreglu. Sumir voru handteknir oftar en einu sinni. Þá hafa mótmælendur boðað mótmæli fyrir utan innanríkisráðuneytið í hádeginu í dag vegna framkvæmdanna.
Fylgið á hreyfingu tvist og bast
Hafa þurft að stugga við fólki
„Jæja, Jón forseti bara mættur“
Vísa mótmælanemendum úr skólanum
„Eigum eftir að sjá miklar sviptingar“
Verið að búa til „óánægju og kergju“
3.800 gígawattsstundir af viðbótarorku árlega