Árni Páll Árnason, formaður Samfylkingarinnar, segir að skuldaleiksýningin hafi verið tilkomumikil, enda full þörf að tjalda öllu til þegar fela á vanefndir á kosningaloforðunum miklu. „Lofað var leiðréttingu verðtryggðra lána upp á 300 milljarða. Raunin er 80 milljarðar,“ skrifar Árni Páll á Facebook-síðu sína.

„Lofað var að leiðréttingin yrði á kostnað erlendra kröfuhafa og ríkinu að kostnaðarlausu. Nú er hún öll á kostnað ríkisins, sem situr uppi með höfuðverkinn af því að afla tekna til að standa undir öllu saman.

Engin lausn á forsendubresti námsmanna. Engin lausn fyrir fólk með lánsveð. Engin lausn fyrir leigjendur sem borgað hafa verðtryggða leigu árum saman - en þeim er allranáðarsamlegast boðið upp á að spara fyrir íbúð.

Stærstur hluti lausnarinnar er svo að við fáum að greiða sjálf niður okkar eigin skuldir.

Bjarni Benediktsson kallaði þetta fugl í skógi í kosningabaráttunni í vor. Ég var sammála honum þá og er það enn, þótt hann sé farinn með Sigmundi í þessa skógarferð,“ skrifar Árni Páll.

Tengdar fréttir

Skuldaleiðréttingar ríkisstjórnarinnar

Leiðréttingin heppnaðist „frábærlega“

• Er forsætisráðherra sáttur við frammistöðuna?
• Skýrslan var tilbúin fyrir kosningar
• Tekjuhæstu 10% fengu 22 milljarða
• Leiðréttingin greidd að fullu

» Fleiri tengdar fréttir

• 9 blogg um fréttina

Bloggað um fréttina

• Ómar Geirsson: Aumingja aumingjarnir.
• Heimir Lárusson Fjeldsted: Hver lofaði 300 milljörðum?
• Jóhann Elíasson: "ONE THING YOU CAN'T HIDE IS WHEN YO'RE CRIPPLED INSIDE"..........
• Ægir Óskar Hallgrímsson: Hver talaði um 300 milljarða??????
• Þorkell Guðnason: Aumkunarverð en fyrirsjáanleg en viðbrögð
• Magnús Helgi Björgvinsson: Ok svona lítur dæmið þá út eins og ég skil …
• Gunnar Heiðarsson: Stjórnarandstaðan á bágt
• Herbert Guðmundsson: ÁRNI PÁLL
• S i g u r ð u r S i g u r ð a r s o n: Árni Páll er lítið sennilegur, hvorki í stjórn né stjórnarandstöðu