Bardagakappinn Gunnar Nelson mætir aftur til leiks í UFC þann 8. mars á næsta ári og mun bardaginn fara fram í London. Mun hann mæta Omari Akhmedov frá Rússlandi. Þetta kemur fram á vefsíðu MMA-frétta.
Þetta verður þriðji bardagi Gunnars í UFC. Átti hann að keppa við Mike Pyle í maí síðastliðnum en þurfti að draga sig úr keppni vegna meiðsla. Gekkst hann undir aðgerð á hné í kjölfarið.
Gunnar er enn ósigraður í UFC.