„Þetta endaði með niðurstöðu sem ég held að allir eiga að geta vel við unað. En það sem skiptir mestu máli á endanum er framkvæmd samningsins og að okkur takist að tryggja efnahagslegan stöðugleika,“ segir Þorsteinn Víglundsson, framkvæmdastjóri Samtaka atvinnulífsins, spurður út í viðbrögð vegna nýs kjarasamnings.

„Ég held að við séum að stíga mjög mikilvægt skref í átt að nýjum vinnubrögðum á vinnumarkaði. Við gerð þessa kjarasamnings var lögð talsvert meiri vinna í greiningu og undirbúning viðræðna og mat á efnahagslegum forsendum samningsins,“ segir Þorsteinn í samtali við mbl.is í kvöld.

„Þrátt fyrir að hart hafi verið tekist á, og við á endanum þurft að teygja okkur talsvert langt til þess að ná saman samningum, þá er það mat okkar að heildarlaunabreyting þessara kjarasamninga á næsta ári munu verða innan ramma seðlabanka hvað varðar verðlagsstöðugleika,“ segir hann ennfremur.

Þá segir Þorsteinn að með þessu séu menn jafnframt að taka höndum saman, þ.e. aðilar vinnumarkaðarins ásamt ríki og sveitarfélögum, um sérstakt átak til þess að halda aftur af verðbólgunni, tryggja verðlagsstöðugleika og að með þessum samningi náist raunverulegur árangur. 

Um er að ræða svokallaðan aðfararsamning og segir Þorsteinn það vera mikilvægt atriði. „Samhliða þessu munum við hefja undirbúning næsta kjarasamnings strax á nýju ári þar sem við stefnum að því að leggja drög að talsvert breyttum vinnubrögðum við gerð kjarasamninga,“ segir Þorsteinn.

Þá segir hann að tryggja beri að menn sjái góða þróun kaupmáttar, sér í lagi hjá þeim sem hafa lægstu launin. 

„Þær kláruðust áður en ég komst í þær,“ segir Þorsteinn og hlær þegar hann er spurður hvort menn hafi náð að fylla magann af vöfflum í kjölfar undirritunarinnar í húsakynnum ríkissáttasemjara í kvöld.

Kjarasamningar undirritaðir

Tengdar fréttir

Kjarasamningar SA og ASÍ

Verkalýðshreyfingin tilbúin ef aðrir verða það

• Vilja skoða sameiginleg samningsmarkmið
• Viðburðarík vika fram undan í deilunni
• Forseti ASÍ: Engin pressa frá Eflingu
• Vinir Kópavogs láta ekki deigan síga

» Fleiri tengdar fréttir

• 2 blogg um fréttina

Bloggað um fréttina

• Kristbjörn Árnason: Verkalýðshreyfing var leidd í réttina eins og feitur sauður væri
• Jack Daniel's: Aumur samningur og ASÍ til háborinar skammar.