Bifreið RÚV lenti utan vegar

Fréttamenn Ríkisútvarpsins á Norðurlandi komust í hann krappann í dag þegar þeir hugðust fylgjast með viðgerðarmönnum á Viðarfjalli við Þistilfjörð í dag. Bifreið þeirra lenti utan vegar í hálku og þurftu fréttamennirnir að reiða sig á greiðvikni starfsmanna Vodafone til að komast aftur upp á veg.

Þetta kemur fram á síðu fréttastofu Ríkisútvarpsins á samfélagsmiðlinum Facebook, þar sem einnig er birt mynd af því þegar verið er að draga bifreiðina aftur upp á veg.

Viðgerðarmenn vinna að því að koma útsendingum aftur í gang en 48 metra hátt mastur Vodafone brotnaði undan ísingu í fyrrinótt, eins og greint hefur verið frá á mbl.is. Óvíst er hvenær útsendingar komist í lag.

Frétt mbl.is: Mastrið ekki upp á næstunni

Frétt mbl.is: 48 metra mastur féll til jarðar

• 1 blogg um fréttina

Bloggað um fréttina

• Ómar Ragnarsson: Langbylgjan og fúkyrðaflaumurinn.