Eir fær 22 milljóna neyðaraðstoð

Borgarráð Reykjavíkur samþykkti í gær tillögu borgarstjóra um að styrkja hjúkrunarheimilið Eir um 22 milljónir og verða þar með við áskorun sjálfseignarstofnunarinnar, sem rekur heimilið, um neyðaraðstoð.

Í bókun kemur fram að með þessu eigi að freista þess að tryggja rekstrarhæfi heimilisins á þessu ári og að stuðla að því að nauðasamningar félagsins nái fram að ganga.