Björgunarsveitin Víkverji frá Vík í Mýrdal er nú á leið á Sólheimaheiði þar sem ferðafólk er í vanda. Um er að ræða 11 manns sem voru á ferð í Econoline bifreið og misstu þeir hana út af veginum.
Bíllinn er fastur og hallar mikið en þó ekki oltinn. Tveir bílar frá björgunarsveitinni eru á leið á staðinn og munu þeir flytja ferðafólkið til byggða. Veður er vont á svæðinu, gengur á með skafrenningi og hvössum vindi.