Ríki geta ekki staðið fyrir utan sameiginlega sjávarútvegsstefnu Evrópusambandsins gangi þau í sambandið. Þetta kom fram í svari Thomas Hagleitners, fulltrúar stækkunardeildar Evrópusambandsins, við fyrirspurn frá Guðlaugi Þór Þórðarsyni, þingmanni Sjálfstæðisflokksins, á fundi sameiginlegrar þingmannanefndar Alþingis og Evrópuþingsins sem fram fór í Reykjavík í dag en hann er annar formaður nefndarinnar.

„Ég spurði hann að því hvort ríki gætu staðið fyrir utan sameiginlega stefnu Evrópusambandsins í sjávarútvegs- og landbúnaðarmálum og það kom alveg skýrt fram hjá honum að það væri ekki hægt. Það þýðir einfaldlega að okkar markmið að halda yfirráðum yfir sjávarútvegsauðlindinni okkar er ekki í boði. Það fer þvert á sjávarútvegsstefnu sambandsins,“ segir Guðlaugur.

Hann segist ennfremur hafa spurt Hagleitner hvort ríki sem hætti viðræðum um inngöngu í Evrópusambandið gætu sótt um að nýju. Hagleitner hafi sagt að ekkert væri því til fyrirstöðu.

Frétt mbl.is: Ræðir samskipti Íslands og ESB

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 4 blogg um fréttina

Bloggað um fréttina

• Gústaf Adolf Skúlason: RÚVDAmunkar dreifa klausturfóbíu yfir landsmenn
• Heimssýn: ESB tæki yfir sjávarútvegsauðlindina
• Magnús Helgi Björgvinsson: Eitthvað er þetta málum blandið!
• Jóhann Elíasson: ÆTLA INNLIMUNARSINNAR ENN AÐ HALDA ÁFRAM AÐ BERJA HAUSNUM Í …