Ólafur Þór Hauksson, sérstakur saksóknari, segir að það séu meiri líkur heldur en minni að embættið kæri úrskurð Héraðsdóms Reykjavíkur sem vísaði í dag frá dómi máli saksóknara á hendur Hannesi Smárasyni.

Hannes var ákærður fyrir fjárdrátt í fyrra með því að hafa 25. apríl 2005 sem stjórnarformaður FL Group dregið sér af fjármunum FL Group 2,875 milljarða króna sem hann ráðstafaði til Fons.

Í morgun vísaði dómari málinu frá á þeim grundvelli að þeirri háttsemi sem Hannesi er gefin að sök í ákærunni hafi ekki verið lýst með fullnægjandi hætti.

„Þetta er að mínu viti í samræmi við fyrri dómafordæmi,“ sagði Gísli Guðni Hall, verjandi Hannesar, í samtali við mbl.is í morgun. Hann fagnaði niðurstöðunni og sagði að hún hefði ekki átt að koma ákæruvaldinu á óvart. 

Ólafur Þór segir að verið sé að fara yfir niðurstöðu héraðsdóms og í framhaldinu verði tekin afstaða til þess hvort hún verði kærð til Hæstaréttar. Aðspurður segir hann að líkurnar á því séu meiri fremur en minni, niðurstaðan þarf að liggja fyrir á föstudag.

Ákæru á hendur Hannesi vísað frá

Ólafur Þór Hauksson, sérstakur saksóknari. mbl.is/Júlíus

Tengdar fréttir

Rannsókn sérstaks saksóknara

Ríkinu gert að greiða 1,4 milljónir

• 25 hrunmál enn í gangi
• Sterling-málið á dagskrá eftir viku
• 19 hrunmál enn til skoðunar
• „Glaðir að 6 ára martröð sé lokið“

» Fleiri tengdar fréttir

• Blogga um frétt