Getur verið að vorið sé loks komið fyrir alvöru? Það er ekki hægt að draga aðra ályktun út frá hitatölum dagsins. Í dag fór hitinn upp í 18,1 stig í Skaftafelli og 16,8 stig í Öræfunum samkvæmt vef Veðurstofu Íslands. Athugið að hér er um óyfirfarnar frumniðurstöður að ræða.
Og áfram er spáð blíðu. Næsta sólarhringinn verður bjartviðri norðan til á landinu og 6-15 stiga hiti. Svalast verður á Austfjörðum. Skýjað verður að mestu sunnanlands og sums staðar lítilsháttar væta en dálítil rigning annað kvöld.
Sjá allt um veðrið á veðurvef mbl.is.