„Ég er í Sjálfstæðisflokknum og ég ætla að vera áfram í Sjálfstæðisflokknum,“ sagði Ragnheiður Ríkharðsdóttir, þingflokksformaður flokksins, í sjónvarpsþættinum Sunnudagsmorgunn í Ríkisútvarpinu í morgun spurð hvort hún hefði hug á að ganga til liðs við fyrirhugaðan hægriflokk hlynntan inngöngu í Evrópusambandið.

Ragnheiður sagðist hafa verið þeirrar skoðunar að Ísland ætti að ganga í Evrópusambandið og ætti ekki von á því að það breyttist. „Þannig að ég ætla bara að halda áfram að vera í mínum flokki,“ sagði hún. Hins vegar gagnrýndi hún Sjálfstæðisflokkinn fyrir að vera einstrengingslegan. Það væri ekki ávísun á aukið fylgi.

Vilhjálmur Bjarnason, þingmaður Sjálfstæðisflokksins, hefur áður sagt að hann ætlaði ekki að ganga úr flokknum en hann hefur líkt og Ragnheiður verið hlynntur inngöngu í Evrópusambandið. Hann ætlaði þess í stað að breyta flokknum innanfrá.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 5 blogg um fréttina

Bloggað um fréttina

• Páll Vilhjálmsson: Eini ESB-þingmaður XD hafnar Benedikt J.
• Óðinn Þórisson: Myndi Aldrei Segja Mig úr Sjálfstæðisflokknum
• Gunnar Heiðarsson: Ragnheiður og fyrirlitningin
• Jóhann Elíasson: VÆRI ÞAÐ EKKI LÍKA EINSTRENGINGSLEG AFSTAÐA EF FLOKKURINN LÝSTI SIG …
• Ólafur Örn Jónsson: Allt misskilningur. Þetta er Framsóknarflokkur ekki Sjálfstæðisflokkur.