Sérstakur gjaldmiðill í Laugardalnum

Notaður verður sérstakur gjaldmiðill á tónlistarhátíðinni Secret Solstice sem hefst í kvöld í Laugardalnum og verða gestir að fjárfesta í gjaldmiðlinum góða ef þeir ætla að kaupa sér veigar eða annan varning inni á svæðinu.

Að sögn skipuleggjenda einfaldar þetta bókhaldið til muna og spornar við þjófnaði. Gjaldmiðillinn er að erlendri fyrirmynd og hefur reynst vel samkvæmt hátíðarhöldurum.