Tékkneski hlauparinn René Kujan, sem hleypur nú þvert yfir landið frá austri til vesturs, mun ekki hlaupa í dag vegna veðurs. Þetta kemur fram á Facebooksíðu hlauparans. Segir jafnframt að Kujan sé ekki sáttur með þessa ákvörðun en að honum hafi hreinlega verið bannað að hlaupa vegna veðursins.
Kujan fór af stað 17. júní sl. á Gerpi, austasta stað landsins. Nú er hann staddur á sunnanverðum Vestfjörðum. Kujan hljóp 43 km í gær í mjög slæmu veðri en samkvæmt Facebook síðunni var vindur á tímabili 25 metrar á sekúndu.
Hlauparinn er nú staddur á sunnanverðum Vestfjörðum en hann gisti í Bjarkalundi í nótt.
Kujan hleypur til styrktar Íþróttasambands fatlaðra og Endurhæfingarmiðstöðvar Grensáss.
Hér er hægt að fylgjast með hlaupinu.
Frétt mbl.is: Hleypur þvert yfir landið