Fara þarf varlega við innflutning á fersku kjöti til landsins og gæta þess að það standist alla staðla og reglur um heilbrigði. Þetta er meðal þess sem fram kom í máli viðmælenda mbl.is í dag. Flestir voru þeir þó sammála um að slíkan innflutning ætti að leyfa.
Undanfarið hefur mögulegur innflutningur á fersku kjöti til landsins verið nokkuð í umræðunni. Verslunarkeðjan Costco hefur lýst yfir áhuga á að flytja inn bandarískt kjöt auk þess sem fyrirtækið Ferskar kjötvörur hefur stefnt fjármálaráðherra og landbúnaðarráðherra fyrir að meina fyrirtækinu að flytja inn ferskt nautakjöt frá Hollandi.
Sigmundur Davíð Gunnlaugsson forsætisráðherra lýsti því m.a. yfir í ræðu á miðstjórnarfundi Framsóknarflokksins síðastliðinn föstudag að 99% af kjöti sem framleitt væri í verksmiðjubúum í Bandaríkjunum væri sterakjöt, sprautað með ýmiss konar hormónum til þess að láta skepn-urnar vaxa hraðar.
Talsmaður bandaríska sendiráðsins ítrekaði í kjölfar ummælanna að bandarískt kjöt og kjöt-vörur væru heilbrigðar vörur. Jafnframt kom fram í bæklingi frá bandarísku neytendasamtökunum að bandaríska verslunarkeðjan Costco byði neytendum upp á kjöt af dýrum sem ekki væru sprautuð með sýklalyfjum. Raunar ætti þetta við um ellefu af þrettán stærstu verslunarkeðjum Bandaríkjanna.
Fréttir mbl.is:
Segir bandarískt kjöt örugga vöru
Vilja flytja inn ferskt nautakjöt
Umræðan um Framsókn nýr lágpunktur