Stefna að fjölgun forríkra ferðamanna

Meet in Reykjavík, Bláa lónið, Icelandair Group og Landsbankinn undirrituðu í vikunni samkomulag til þriggja ára upp á 130 milljónir um markaðssetningarátak til þess að laða auðuga ferðamenn til landsins.

Samkomulagið snýst um stofnun, fjármögnun og rekstur sérverkefnis á sviði markaðssetningar á Reykjavík og Íslandi sem áfangastað fyrir lúxusferðamenn. Verkefnið verður hýst og stjórnað sem sjálfstæðri einingu innan Meet in Reykjavík, að því er fram kemur í umfjöllun um mál þetta í Viðskiptamogganum í dag.