Aðförin að einkahjólinu

Guðmundur Kristján hefur undanfarið hjólað Hverfisgötuna til og frá vinnu, allt frá því henni var breytt til að gera hjólreiðamönnum auðveldara að komast leiðar sinnar um hana.

Hann hefur þó ítrekað lent í því að bílum er lagt yfir hjóla- og göngustíginn, sem þvingar hjólandi og gangandi umferð út á akbrautina. Hann hefur birt myndir af þessum hindrunum á twittersíðu sinni.

„Þetta er fyrst og fremst algengt á Hverfisgötunni. Það er að einhverju leyti skiljanlegt, það eru miklar framkvæmdir í gangi þarna og mikið um að vera og mikil uppbygging. Þar af leiðandi er mikið verið að lesta og losa. Mjög oft lokar þetta alveg bæði hjólastígnum og göngustígnum. Ég held ég hafi náð mynd af einum sem lokaði næstum stæði fyrir hreyfihamlaða, hjólastígnum og göngustígnum,“ segir Guðmundur Kristján, hjólreiðamaður.

Guðmundur hjólar Hverfisgötuna á hverjum degi og segist mjög ánægður með þær framkvæmdir sem hafa verið gerðar á henni. „Umferðin hefur aukist mjög mikið á henni, bæði hjólandi og gangandi vegfarenda. Þessir árekstrar mismunandi ferðamáta setja svolítið svartan blett á þetta.“

Sagt að halda bara kjafti

Hann segir hvorki lögreglu né stöðumælaverði virðast hafa mannskap til að skipta sér af bílum sem leggja á göngu- og hjólastígum. „Þegar maður ber þetta upp við ökumennina sjálfa þá mætir manni yfirleitt bara skætingur og hortugheit. Þegar ég bendi sumum leigubílstjórum á að þeir séu beinlínis að beina gangandi og hjólandi umferð út í akandi umferð, þá er manni bara sagt að halda kjafti,“ segir Guðmundur.

„Maður skilur auðvitað að atvinnubílstjórar þurfi að koma vörum að og frá uppbyggingarreitum, verslunum og veitingastöðum. Það er spurning hvort þurfi að koma upp losunarstæðum eða eitthvað í þá veru. Það þarf að eiga sér stað samtal um þetta því eins og þetta er núna virðast þessir bílar bara vera þarna nokkurn veginn óáreittir. Þegar það er rigning og rok og slæmt skyggni er manni ekkert vel við að fara út í umferðina.“ 

Þá hafi hann horft upp á foreldra með barnavagna þurfa að taka sveig út á akbrautina til að komast framhjá bílum á gangstéttinni. „Þá er manni nóg boðið.“

Nóg af bílastæðum í næsta nágrenni

Guðmundur segir að í mörgum tilvikum sé í raun nóg af bílastæðum rétt hjá þeim stöðum þar sem bílar leggja á svæði hjólandi og gangandi. „Jafnvel hinum megin við götuna í svona fimm metra fjarlægð. Víðast hvar erlendis stoppa svona bílar bara úti á götu og setja viðvörunarljósin í gang. Það myndi skapa meira öryggi. Það er ekkert mál fyrir bíla að sveigja framhjá öðrum bílum, það er alvanalegt. Það horfir öðruvísi við fyrir þá sem eru ekki inni í því örugga stálboxi sem bílar eru.“ 

Hann segir skilningsleysi helstu ástæðuna fyrir þessum árekstrum. „Það hefur orðið gríðarleg aukning í hjólreiðum sérstaklega og breytingar á ferðavenjum borgarbúa. Það þurfa allir að hjálpast að við að smyrja þetta saman þannig að mismunandi ferðamátar geti rúmast samhliða í göturýminu, án þess að það séu svona óþarfa árekstrar,“ segir Guðmundur.

„Hjólreiðamenningin þarf að auðvitað að batna að einhverju leyti líka og allir í mörgum tilvikum að taka meira tillit. Þetta snýst fyrst og fremst um fræðslu og viðhorfsbreytingar, því þetta er bara að fara að aukast. Aðalskipulag Reykjavíkur miðar að því að hjólreiðar aukist í borginni svo um munar á næstu árum,“ segir Guðmundur. 

Hann bendir líka á að Hverfisgatan sé óðum að lifna við með frábærum veitingastöðum og verslunum sem eiga hvergi betur heima en á nýuppgerðri Hverfisgötunni og þess vegna þarf að finna ásættanlega lausn á lestunar- og losunarmálum fyrir verslun og þjónustu.

Sektarherferð ekki lausnin

Hann bendir á ferðavenjukönnun sem birtist í Morgunblaðinu á fimmtudaginn þar sem hann segir kröfur borgarbúa skýrar:

„Þeir vilja minni bílaumferð og betri innviði fyrir hjólreiðar og gangandi og betri almenningssamgöngur. Ég held að það sé ekki málið að fara í neina sektarherferð, það er ekki lausnin. Hún er miklu frekar að auka fræðslu.“

„Í mörgum borgum á lestun og losun sér stað fyrir sjö á morgnana eða eftir sjö á kvöldin þegar fólk er ekki að fara til og frá vinnu. Það hlýtur að vera hægt að finna lausn á þessu þannig að allir geti unað við sitt. Í dag ríkir nokkur kergja og það viðhorf virðist vera verst hjá atvinnubílstjórum, að við hjólreiðamennirnir séum frekir. Í einhverjum tilvikum er það eflaust rétt, og hjólreiðamenn rétt eins og aðrir ökumenn eiga að vanda sig í umferðinni,“ segir Guðmundur.

Eins og staðan er í dag segir Guðmundur hins vegar að öryggi gangandi og hjólandi vegfarenda sé oft stefnt í hættu á sérmerktum hjóla og gönguleiðum og það á ekki að viðgangast.

mbl.is

Bloggað um fréttina

Innlent »

Undirbúa stofnun Háskólaseturs Austfjarða

16:16 Fjarðabyggð hefur hafið samstarfi við fyrirtæki og stofnanir í sveitarfélaginu í þágu menntamála á Austfjörðum og er undirbúningur að stofnun Háskólaseturs Austfjarða stærsti þátturinn í því verkefni. Meira »

Þorskkvótinn aukinn

16:12 Sjávarútvegsráðherra hefur ákveðið að aflamark í þorski verði aukið í 255.172 tonn á næsta fiskveiðiári, en kvótinn á yfirstandandi ári er 244.000 tonn. Ráðherra fylgir veiðiráðgjöf Hafrannsóknarstofnunar sem lagði til aukinn afla í mikilvægum tegundum, s.s. þorski og ýsu. Meira »

Lýst eftir Sólrúnu Petru

16:04 Lögreglan á Suðurlandi lýsir eftir Sólrúnu Petru Halldórsdóttur. Sólrún er 16 ára gömul, grannvaxin og um 166 cm á hæð.   Meira »

Fleiri sigurvegarar komnir í mark

16:00 Úrslit réðust nú fyrir skömmu í þessu í bæði A-flokki og í B-flokki kvenna í WOW Cyclothon. Í A-flokki var það liðið Cannondale GÁP Elite sem fór með sigur en liðið kláraði keppni á tímanum 44:34:43. Í B-flokki kvenna kom Team Artica Finance fyrst í mark á tímanum 43:44:49. Meira »

Tæplega 2.100 útskrifast á morgun

15:49 Hátt í 2.100 kandídatar verða brautskráðir úr grunn- og framhaldsnámi frá Háskóla Íslands á morgun. 455 kandídatar brautskráðust frá Háskóla Íslands í febrúar síðastliðnum og því nemur heildarfjöldi brautskráðra á árinu 2.542. Meira »

Mennta stjórnendur þriðja geirans

15:35 Stjórnendur félagasamtaka og sjálfseignastofnana geta í fyrsta skipti sótt sér stjórnendanám sérstaklega ætlað stjórnendum í þriðja geiranum. Opni háskólinn í HR og Almannaheill þróuðu námslínuna í sameiningu og byggist kennslan að miklu leyti á hagnýtum verkefnum tengdum atvinnulífi og alþjóðaumhverfi. Meira »

Úrskurðaðir í áframhaldandi varðhald

15:23 Mennirnir tveir sem grunaðir eru um að hafa orðið Arn­ari Jóns­syni Asp­ar að bana fyr­ir tveim­ur vik­um í Mos­fells­dal og hafa setið í gæsluvarðhaldi í 15 daga voru úr­sk­urðaðir í áfram­hald­andi gæslu­v­arðhald til 21. júlí vegna almannahagsmuna. Meira »

„Allir staðir á Íslandi einstakir“

15:29 Peter Coljin hjólaði hringinn í kringum Ísland einn síns liðs á undir þremur sólarhringum og vann þar með einstaklingskeppni WOW Cyclothon. Meira »

„Húsið okkar titrar og skelfur“

15:20 Íbúar við Grettisgötu hafa stórar áhyggjur af eignum sínum vegna framkvæmda við Vegamótastíg og Grettisgötu sem nú standa yfir vegna fyrirhugaðar byggingar fimm hæða hótels á lóðinni við Vegamótastíg 7-9. Meira »

Hjólaði hringinn á 67 klukkustundum

15:00 Peter Coljin frá Kanada sigraði í einstaklingsflokki WOW Cyclothon keppninnar í ár. Hann hjólaði í mark klukkan 13:08 og hefur þar með hjólað rúma 1250 kílómetra einn síns liðs á minna en þremur sólarhringum. Meira »

HÍ ofar á lista þeirra bestu

14:45 Háskóli Íslands situr nú í sæti 120-130 á nýjum lista Times Higher Education, en sat áður í sæti 131-140. Skólinn situr svo í sæti 201-250 á heimslistanum. Meira »

Segir borgina ekki brjóta samning

14:40 Borgarlögmaður telur Reykjavíkurborg ekki brjóta gegn samningi við AFA JCDecaux, sem á og rekur biðskýli borgarinnar, með því að heimila WOW air að auglýsa þjónustu fyrirtækisins á auglýsingaskiltum sem standa við hjólastöðvar WOW citybike sem eru á víð og dreif um borgina. Meira »

Hóta að fjarlægja öll strætóskýlin

14:05 Reykjavíkurborg er veittur 14 daga frestur til að bregðast við samningsbroti á samningi borgarinnar og AFA JCDecaux, sem á og rekur öll biðskýli á höfuðborgarsvæðinu. Í bréfi til borgarinnar kemur fram að fyrirtækið áskilji sér allan rétt til að rifta samningnum og fjarlægja öll biðskýli. Meira »

Kláraði keppni í fyrsta sinn

13:50 Jón Óli Ólafsson hjólaði í gegnum endamarkið í WOW Cyclothon fyrr í dag eftir að hann neyddist til þess að hætta keppni vegna veðurs. Er þetta í þriðja skiptið sem hann tekur þátt í einstaklingsflokki. Meira »

„Ég er drusla“ að veruleika

13:40 „Þessi bók er gerð til að hreyfa og til að heila,“ segir Hjalti Vigfússon, einn skipuleggjenda Druslugöngunnar, um bókina Ég er drusla sem kemur í verslanir í næstu viku. Er bókinni ætlað að fanga orku Druslugöngunnar, sem hefur verið gengin árlega hér á landi frá árinu 2011. Meira »

Fjárdráttarmáli frestað fram á haust

14:01 Máli konu, fyrrverandi starfsmanns á fjármálasviði Landsbankans, sem ákærð er fyrir tæplega 34 milljón króna fjárdrátt og peningaþvætti, var frestað í Héraðsdómi Reykjavíkur í morgun. Ekki var tekin afstaða til ákærunnar í morgun. Meira »

Óverulegt tjón á húsnæði Hrafnistu

13:49 Engin slys urðu á fólki og óverulegt tjón varð á húsnæði Hrafnistu í Hafnarfirði þegar eldur kom upp í þaki öldrunarheimilisins í dag. Endurnýjun stendur yfir á þaki hússins, og kom eldurinn upp vegna viðhaldsframkvæmda. Meira »

365 sektað vegna áfengisauglýsinga

13:31 Fjölmiðlanefnd hefur komist að þeirri niðurstöðu að þrjú hefti íslenskrar útgáfu af tímaritinu Glamour hafi innihaldið áfengisauglýsingar og hafi 365 miðlar brotið gegn lögum um fjölmiðla með birtingu þeirra. Er fyrirtækið sektað um eina milljón króna vegna brotanna. Meira »

Wow Cyclothon

Vantar Bílamálara/Bifreiðasmið í vinnu.
5 stjörnu Gæða vottað Réttingaverkstæði vantar Bílamálara og bifreiðasmið til s...
ICELANDIC and ENGLISH f. foreigners - ÍSLENSKA f.útl - ENSKA -
Start/Byrja: 26/6 - HOLIDAY/SUMARFRÍ - 4/9, 2/10, 30/10, 27/11, 8/1: 4 weeks/vi...
Olíuskiljur - fituskiljur
Olíuskiljur - fituskiljur - einagrunnarplast CE vottaðar vörur. Efni til fráveit...
Málningar- og viðhaldsvinna
Getum bætt við okkur inni- og útiverkefnum. Vönduð vinnubrögð og góð umgengni. T...
 
Framhald uppboðs
Nauðungarsala
Uppboð Einnig birt á www.naudungarsolu...
Deiliskipulag
Tilkynningar
Rangárþing ytra Auglýsing um skipula...
Félagstarf aldraðra
Staður og stund
Árskógum 4 Félagsstarfið er með opið í s...
Breyting á aðalskipulagi
Tilkynningar
Auglýsing um skipulag á Akranesi Tilla...