Þrír voru fluttir á slysadeild eftir harðan árekstur í Reykjanesbæ við Fitjar í dag. Tveir bílar skullu saman, jeppi og fólksbifreið. Þeir sem fluttir voru á slysadeild voru ökumaður og farþegar í fólksbílnum.
Ekki er vitað um meiðsl fólksins. Dráttarbíll flutti báðar bifreiðarnar af vettvangi.
Að sögn lögreglu á Suðurnesjum varð áreksturinn á einum af hættulegustu gatnamótum Reykjanesbrautar.