Kettlingur, um fjögurra mánaða gamall, fannst í ruslageymslu við Ásbraut í Kópavogi. Hann hafði verið fastur þar inni í einhvern tíma og var orðinn dálítið horaður þegar hann fannst. Á heimasíðu Kattholts kemur fram að kötturinn sé með bjöllu en annars ómerktur.
Hann var sársvangur þegar hann fannst og fékk langþráða máltíð í Kattholti eins og sjá má á myndbandinu sem fylgir fréttinni.