Á bilinu 1.400-1.500 fjölskyldur hafa leitað jólaaðstoðar til Hjálparstarfs kirkjunnar, svipaður fjöldi og í fyrra.
Í umfjöllun um mál þetta í Morgunblaðinu í dag segir Vilborg Oddsdóttir, félagsráðgjafi hjá hjálparsamtökunum, stærstan hluta þeirra sem þiggja aðstoð vera einstæða foreldra á öryrkjubótum. Þar á eftir koma barnmargar fjölskyldur og konur af erlendum uppruna með lágar tekjur.
Ragnheiður G. Guðmundsdóttir, formaður Mæðrastyrksnefndar Reykjavíkur, segir þörfina mikla í ár og auk fjölskyldna þurfi námsmenn og eldri borgarar aðstoð yfir jólin.