Lögregla og slökkvilið voru með mikinn viðbúnað við Sólfarið við Sæbraut fyrr í morgun. Fréttamaður mbl.is á staðnum greindi þar þrjá til fjóra lögreglubíla, þrjá slökkvibíla, sjúkrabíl og ómerkta bíla.
Lögregla verst allra fregna en sjá mátti sjúkraflutningamenn með börur á svæðinu fyrr í dag.
Samkvæmt heimildum mbl.is virðist sem aðgerðum sé að hluta til lokið á svæðinu.
Samkvæmt heimildum mbl.is barst lögreglu tilkynning um sjórekið lík fyrr í morgun. Nánari upplýsingar liggja ekki fyrir að svo stöddu.