Ert þú með hreinar hendur?

Snerting, bæði bein og óbein, er lang algengasta smitleið flestra smitsjúkdóma en með því að spritta hendurnar eða þvo þær rýfur maður þessa smitleið og kemur í veg fyrir smit. 

Þetta kemur fram á vef landlæknisembættisins sem minnir á að Alþjóðahandþvottadagurinn sé í dag.

„Með því að gera 5. maí að alþjóðlegum handþvottadegi vill Alþjóðaheilbrigðismálastofnunin vekja athygli á hversu hand-hreinsun er mikilvæg í allri heilbrigðisþjónustu á sjúkrahúsum, tannlæknastofum, heilsugæslustöðvum, nýburadeildum, heimahjúkrun eða annars staðar,“ að því er segir á vef embættisins.

Þá segir, að á hverju ári, síðustu 10 árin, sé valið nýtt áhersluefni til að minna á mikilvægi handhreinsunar. Í ár leggi Aþjóðaheilbrigðismálastofnunin almennt áherslu á  „öruggar hendur" (safeHANDS) og beinir skilaboðunum til almennings, heilbrigðisstarfsfólks, stjórnenda, stjórnmálamanna og sjúklinga.

Nánari upplýsingar hér.

• Blogga um frétt