„Kaupás er með blandaða þurrvöru og kassa af hunangi í gámi. Hunang þarf sérstaka umfjöllun Matvælastofnunar og þess vegna er gámurinn ekki tollafgreiddur meðan á verkfallinu stendur. Við erum ekki þau einu sem lenda í þessu, það eru fleiri heildsalar.“

Þetta segir Sigurður Gunnar Markússon, framkvæmdastjóri innkaupasviðs Kaupáss, sem á og rekur Krónuna meðal annars.

Allar aðrar vörur í gámnum geta farið í gegnum tollinn en þar sem hunang þarf stimplun frá starfsmönnum Matvælastofnunar er gámurinn stöðvaður. Í öðrum gámi eru nokkur kíló af ostum og áleggi föst. „Það getur valdið okkur einhverju tjóni en ekki stórkostlegu,“ segir Sigurður, en í umfjöllun um mál þetta í Morgunblaðinu í dag kemur fram, að hundruð tonna af vörum bíða nú tollafgreiðslu, sem ekki er veitt vegna verkfalls dýralækna.

Tengdar fréttir

Kjaraviðræður

Kjaradeilu vísað til ríkissáttasemjara

• Hægagangur og vaxandi ókyrrð
• Aðalsteinn snýr aftur í Karphúsið
• „Mætti ganga hraðar“
• „Okkur þykir Isavia fullrólegt“

» Fleiri tengdar fréttir