„Við erum að skoða þetta mál og þá hvort og hvernig það kann að hafa áhrif á flugsamgöngur,“ segir Guðni Sigurðsson, upplýsingafulltrúi Isavia, og vísar til yfirvofandi verkfalls félagsmanna aðildarfélaga Rafiðnaðarsambands Íslands (RSÍ) sem að óbreyttu mun hefjast 10. júní nk.

Meðal þeirra félagsmanna sem leggja niður störf þann dag eru rafvirkjar og rafeindavirkjar á Keflavíkurflugvelli og Reykjavíkurflugvelli, en þeir sjá m.a. um viðhald á ljósabúnaði á flugvöllum og flugleiðsögubúnaði, að því er fram kemur í umfjöllun um yfirvofandi verkfall í Morgunblaðinu í dag.

Aðspurður segir Guðni ekki útilokað að sótt verði um undanþágur vegna aðgerðanna. „Það verður skoðað þegar ljóst er hvaða áhrif þetta hefur,“ segir hann.

Tengdar fréttir

Kjaraviðræður

Boða aðgerðir á Keflavíkurflugvelli

• Óásættanlegt hversu langan tíma viðræður hafa tekið
• Boða verkfallsaðgerðir
• Kjaradeilu vísað til ríkissáttasemjara
• Hægagangur og vaxandi ókyrrð

» Fleiri tengdar fréttir