Lögreglan á höfuðborgarsvæðinu stöðvaði laust fyrir klukkan ellefu í gærkvöldi ökumann fyrir of hraðan akstur. Hann mældist á 150 kílómetra hraða er hann ók Miklubrautina til vesturs. Ökumaðurinn, sem er sautján ára gamall, hefur verið með ökuréttindi í mánuð.
Laust eftir klukkan eitt í nótt fékk lögreglan tilkynningu um mjög ölvaða og vímaða konu, sem var með hávaða og læti, í Grafarholti. Hún neitaði að fara að fyrirmælum lögreglu og var handtekin og vistuð í fangageymslu.