Ólíklegt að lón á Þjórsársvæði fyllist

Vegna kulda og þurrka í vor er ólíklegt að öll lón Landsvirkjunar fyllist í sumar.

Mögulegt er að Landsvirkjun þurfi að draga úr framboði á raforku á skammtímamarkaði ef staðan í lónunum verður undir væntingum í haust, að því er fram kemur í Morgunblaðinu í dag.

Kuldinn í vor olli því að vorleysing af hálendinu hófst seint og var hægt framan af. Er þetta ein versta vorkoma í rekstrarsögu vatnsmiðlunar Landsvirkjunar, að því er fram kemur í fréttatilkynningu.