Gríðarlegt haglél í nokkrar mínútur, síðan hellirigning strax á eftir. Þannig lýsti Ólafur Stefánsson veðrinu í Biskupstungum nú rétt fyrir klukkan sex í kvöld.
Hann segir að skömmu áður en haglélið gerði hafi hann heyrt í tveimur öflugum þrumum með um tíu mínútna millibili.
Þá barst ábending um að rafmagnslaust væri í Brekkuskógi í Bláskógabyggð eftir þrumur og eldingar. Rafmagnið komst þó fljótlega á aftur.