Merkingum við Glym í Botnsdal er ábótavant og gönguleiðin þar er ekki hættulaus fyrir ferðamenn.
Þetta segir Kjartan S. Þorsteinsson, björgunarsveitarmaður á Akranesi, í umfjöllun um þetta mál í Morgunblaðinu í dag. Björgunarsveitin þurfti, bæði í ágúst og apríl á þessu ári, að koma fólki til bjargar á þessu svæði en erfitt getur verið að komast yfir ána með slasaða.
Aðeins er hægt að komast yfir ána á tvenns konar máta. Annars vegar að ganga yfir gamlan símastaur sem hefur verið lagður yfir brúna og halda í vír sem hefur verið strengdur yfir. Hins vegar að vaða yfir ána, sem er, að sögn Kjartans, oft og tíðum afar straummikil.