Stefnt er að því að viðræður á milli íslenskra stjórnvalda og Evrópusambandsins um mögulegar tollalækkanir sambandsins fyrir íslenskar sjávarafurðir hefjist 8. september að sögn Gunnars Braga Sveinssonar utanríkisráðherra.

Ríkisstjórnin óskaði eftir viðræðunum við Evrópusambandið í kjölfar þess að Rússar ákváðu að loka á innflutning á íslenskum sjávarafurðum vegna stuðnings Íslands við refsiaðgerðir Evrópusambandsins, Bandaríkjanna og fleiri vestrænna ríkja gegn Rússlandi vegna innlimunar Rússa á Krímsskaga og afskipti þeirra af átökum aðskilnaðarsinnar og úkraínska hersins í austurhluta Úkraínu.

Spurður um stöðuna í málinu að öðru leyti segir Gunnar Bragi að unnið sé að málinu á öllum vígstöðvum. Bæði hvað varðar samskipti við rússnesk stjórnvöld sem og við að leita mögulegra nýrra markaða fyrir þær sjávarafurðir sem ekki sé lengur hægt að selja til Rússlands.

Tengdar fréttir

Refsiaðgerðir Rússa

Refsiaðgerðir gegn Íslandi framlengdar

• Minnast látins vinnufélaga
• Verði að framlengja aðgerðirnar
• Vill framlengja innflutningsbannið
• Vaxandi andstaða við refsiaðgerðir

» Fleiri tengdar fréttir

• 1 blogg um fréttina

Bloggað um fréttina

• Jón Ingi Cæsarsson: Utanríkisráðherra með skottið milli lappanna.