Sérðu biðskylduskiltið?

Á þessu götuhorni við Sogaveg er biðskylda, sérðu það ekki? Jú, skiltið er þarna það bara sést ekki frá því sjónarhorni sem skiptir mestu máli. Mikill vöxtur gróðurs á undanförnum áratugum á höfuðborgarsvæðinu hefur víða orðið til þess að umferðarmerkingar sjást illa. 

Þessi garðaeigandi á líklega von á bréfi frá borginni á næstunni þar sem hann verður hvattur til að snyrta gróðurinn. Verði ekkert að gert munu borgarstarfsmenn sjá um klippingar á kostnað eigandans en nú fara þeir um borgina og kanna ástand gróðurs við lóðarmörk.

Á undanförnum árum hefur þetta verið viðavarandi vandamál og nokkur ár eru síðan borgin byrjaði að beina því til borgarbúa að þeir gæti að vexti gróðurs á borgarmörkum.

Í tilkynningu frá borginni segir:

Eftirfarandi atriði ættu garðeigendur að hafa í huga:

• Umferðarmerki  séu sýnileg.
• Gróður byrgi ekki götulýsingu.
• Gangandi og hjólandi eigi greiða leið um gangstíga.
• Þar sem vélsópar og snjóruðningstæki fara um má lágmarkshæð gróðurs yfir stígum ekki vera lægri en 2,8 metrar.
• Yfir akbrautum má gróður ekki slúta niður fyrir 4,2 metra og gildir þessi hæðarregla einnig þar sem sorphirðubílar, slökkvilið og sjúkrabílar þurfa að komast eftir stétt eða stíg.

• Blogga um frétt