Mikil verðlækkun á amfetamíni

Mikil verðlækkun virðist hafa orðið á amfetamíni hér á landi samkvæmt könnun SÁÁ en samkvæmt henni hefur verð á efninu ekki verið lægra undanfarinn áratug eða síðan sumarið 2005.

„Heimildarmenn SÁÁ telja skýringarinnar ekki síst að leita í því að það efni sem nú er til sölu sé á landi sé lélegt og standist illa samanburð við rítalín-lyf sem fáanleg eru á svörtum markaði hér á landi. Rítalín hefur frá hruni verið helsti vímugjafi fíkla sem nota örvandi efni,“ segir á vefsíðu samtakanna og ennfremur:

„Það sem vekur jafnan athygli er hve ólöglegi vímuefnamarkaðurinn virðist vera þróaður og stöðugur. Litlar sveiflur eru á verði og í raun virðist hægt að tala um að jafnvægi sé milli framboðs og eftirspurnar.“

• Blogga um frétt