Æfðu í 40 mínútur á dag í fimm ár

Guðmundur Björgvinsson var á dögunum valinn knapi ársins eftir að hafa bæði orðið Íslandsmeistari og heimsmeistari í fjórgangi á Hrímni frá Ósi en Guðmundur hafði unnið með hestinn daglega í fimm ár. Nú þegar Hrímnir hefur verið seldur úr landi leitar Guðmundur að nýjum hesti fyrir næstu heimsleika.

mbl.is hitti Guðmund á dögunum í reiðhöllinni hjá Spretti í Kópavogi þar sem hann var að prufa nýjan fola en hann rekur hrossabú á Efri Rauðalæk skammt frá Hellu ásamt Evu konu sinni. Þar eru þau með 43 stíur sem hann segir að séu nánast undantekningarlaust fullar og vinnudagarnir eru langir.

• Blogga um frétt