Ferðakostnaðarnefnd hefur ákveðið að lækka akstursgjald í aksturssamningum ríkisstarfsmanna og ríkisstofnana.
Almennt gjald var fyrir fyrstu 10 þúsund kílómetrana 116 krónur fyrir kílómetrann en verður nú 110 krónur frá 1. desember, sem er 5,2% lækkun. Frá 10 þúsund kílómetrum til 20 þúsund kílómetra lækkar gjaldið úr 104 krónum í 99 krónur, eða um 4,8% og gjaldið umfram þá kílómetra lækkar úr 93 krónum í 88 krónur.
Aki starfsmaður um torfæra vegi skal bæta 45% álagi á almenna gjaldið sem gildir við akstur á malbikuðum vegum, annað gjald gildir á akstri á malarvegum og torfærugjald miðast við akstur utan vegar og einungis jeppafært.