Friðargangan í Reykjavík: Myndir

Hin árlega friðarganga á Þorláksmessu fór fram í Reykjavík og fleiri stöðum á landinu í kvöld. Hefur hún verið fastur liður í jólahaldinu frá árinu 1981, en gengið er frá Hlemmi niður á Austurvöll. Ljósmyndari mbl.is var á staðnum og tók myndir af göngufólki.

Að göngu lokinni flutti Andri Snær Magnason rithöfundur ávarp, en fundarstjóri var Tinna Önnudóttir Þorvalds leikkona. Hamrahlíðarkórinn og kór Menntaskólans við Hamrahlíð sungu í göngunni og í lok fundar. Umsjón var að venju í höndum samstarfshóps friðarhreyfinga.