Þyrfti að henda Össuri öfugum út

Össur Skarphéðinsson, þingmaður Samfylkingar, segir það uppspuna frá rótum að hann sé að hætta í stjórnmálum. 

„Það gerist ekki nema Samfylkingin hendi mér öfugum út í prófkjöri - og þau um það ef þau vilja fleygja út sínum fyrsta formanni og þeim eina sem hefur nokkru sinni náð þeim upp fyrir 30 prósent í kosningum,“ segir Össur á Facebook-síðu sinni, og bætir við: „Tvisvar fremur en einu sinni“.

Hann segir flokkinn þurfa að bera sig með atkvæðum til að koma sér út. Með lýðræðislegum hætti.

„Það mun ekki gerast því ég mun halda uppteknum hætti og sigra hvern sem er í slíku kjöri. Ég hef nefnilega stuðninginn sem um munar - grasrótina,“ segir Össur.

• 2 blogg um fréttina

Bloggað um fréttina

• Óðinn Þórisson: Össur ölfugasti stjórnmálamaður Samfylkingarinnar
• Páll Vilhjálmsson: Jólasaga Össurar