Snjóruðningstæki í Ólafsvík fóru af stað um tvöleytið í nótt til að ryðja götur bæjarins sem voru orðnar þungfærar eftir ofankomu gærdagsins. Í dag hefur snjóað töluvert en veðrið er þó mun skárra en í gær enda töluvert minni vindur.
Veðurspá næsta sólarhringinn:
Austan og norðaustan 10-20 m/s, hvassast norðantil. Snjókoma á köflum. Norðaustan 8-15 og dálítil él undir kvöld. Hvassari um tíma í nótt. Frost 0 til 5 stig.
Á myndinni má sjá Kára Þór Rafnsson, umsjónarmann grunnskóla Snæfellsbæjar, hreinsa gönguleiðir að skólanum með snjóblásara.