Lögreglu skortir fé í eftirlit með stóraukinni bílaumferð

Lögreglan á Suðurlandi óskaði eftir 200 milljóna aukafjárveitingu vegna aukinnar umferðar í umdæminu. Það fé hefur ekki fengist.

Þetta segir Kjartan Þorkelsson, lögreglustjóri lögreglunnar á Suðurlandi,  og bendir á að umdæmið þekur um þriðjung af flatarmáli Íslands. Vegakerfið sé því víðfeðmt.

Í umfjöllun um mál þetta í Morgunblaðinu í dag segir Kjartan að samkvæmt skýrslu embættisins hafi slysum á erlendum ferðamönnum fjölgað um 140% frá fyrstu níu mánuðum ársins 2014 til sama tímabils í fyrra.