Bankaræningjar fangelsaðir

Ránið var framið 30. desember sl.
Ránið var framið 30. desember sl. mbl.is/Golli

Héraðsdómur Reykjavíkur hefur dæmt tvo karlmenn í fangelsi fyrir bankarán sem var framið í útibúi Landsbankans í Borgartúni í Reykjavík í lok desember. Voru mennirnir dæmdir hvor um sig í þriggja ára fangelsi. 

„Við ákvörðun refsingar verður að líta til þess að ákærðu frömdu vopnað rán á óvenju grófan hátt. Í bankanum var nokkur fjöldi fólks, bæði starfsmenn og viðskiptavinir. Ráða má af myndbandsupptöku að þeir gengu óhikað og skipulega til verks og tók ránið stuttan tíma,“ segir í dómi héraðsdóms sem féll í gær.

Með hníf og eftirlíkingu af skammbyssu

Lögreglustjórninn á höfuðborgarsvæðinu ákærði þá Ólaf Inga Gunnarsson og Jóel Maron Hannesson fyrir rán þann 5. febrúar sl. Fram kom í ákæru, að þeir hefðu farið inn Landsbankann við Borgartún 33 í Reykjavík 30. desember sl. Var Ólafur klæddur svartri hettupeysu, með andlitið hulið og vopnaður eftirlíkingu af skammbyssu. Jóel var einnig í hettupeysu, með andlitið hulið og vopnaður hníf.

Þeir stukku yfir afgreiðsluborð þar sem voru fyrir fimm starfsmenn bankans og ógnaði Ólafur gjaldkera bankans með byssunni m.a. með því að halda byssunni upp við höfuð gjaldkerans meðan hann skipaði henni að opna þrjár sjóðsvélar bankans, sem Ólafur tók síðan fjármuni úr. Á meðan tók Jóel peninga sem voru á afgreiðsluborði og setti í poka sem hann hafði meðferðis og ógnaði starfsfólki og viðskiptavinum bankans með hníf sem hann hélt á lofti.

Mennirnir höfðu 558.000 íslenskar krónur, 1.080 evrur, 10.000 japönsk jen, 500 danskar krónur og 20 pund á brott með sér af vettvangi, að því er segir í ákærunni.

Gáfu sig fram og vísuðu á ránsfenginn

Fram kemur í dómi héraðsdóms, að í þinghaldi 10. febrúar játuðu þeir Ólafur og Jóel sök og ekki kom fram ósk um að aðalmeðferð færi fram.

Meðal rannsóknargagna er myndbandsupptaka úr afgreiðslusal bankans sem tekin er af mönnum fremja ránið. Á henni sést hvernig þeir komu hlaupandi inn í bankann klæddir eins og í ákæru greindi.

Til undirbúnings ráninu höfðu þeir tekið sendibifreið ófrjálsri hendi og komu á henni að bankanum. Þeir skildu bifreiðina eftir í gangi og óku á brott eftir ránið. Þeir földu síðar ránsfenginn og reyndu á annan hátt að dylja slóð sína.

Eins og greint var frá í fjölmiðlun, hóf lögreglan þegar umfangsmikla eftirgrennslan og var myndum af ræningjunum dreift. Ábendingar bárust um að Ólafur og Jóel kynnu að hafa verið að verki. Þeir gáfu sig svo fram við lögreglu að tilstuðlan aðstandenda sinna um miðnætti sama dag og ránið var framið. Þá vísuðu þeir á ránsfenginn sem komst til skila.

Frömdu vopnað rán á óvenju grófan hátt

„Ákærðu hafa verið sakfelldir fyrir rán þar sem þeir notuðu vopn til að ógna fólki. Byssan reyndist síðar vera eftirlíking og haft er eftir starfsmanni bankans, sem í ákæru getur, að hún hafi gert sér grein fyrir að svo var. Hins vegar er til þess að líta að margir aðrir voru í bankanum þegar ránið var framið, bæði starfsfólk og viðskiptavinir. Þeir gátu ekki vitað hvort byssan væri raunveruleg eða ekki. Samkvæmt rannsóknargögnum er byssan 18 cm á lengd og 13 cm há. Við fyrstu sýn á mynd virðist hún vera raunveruleg. Þá er hnífurinn úr stáli, 27 cm langur, þar af er blaðið 15 cm. Aftari hluti bakkans er tenntur,“ segir orðrétt í dómi héraðsdóms.

Þá kemur fram, að Ólafur hafi verið dæmdur í 30 daga fangelsi 21. janúar síðastliðinn fyrir umferðarlagabrot og var honum því nú dæmdur hegningarauki.

Jóel Maron hefur ekki áður verið dæmdur til refsingar.

„Við ákvörðun refsingar verður að líta til þess að ákærðu frömdu vopnað rán á óvenju grófan hátt. Í bankanum var nokkur fjöldi fólks, bæði starfsmenn og viðskiptavinir. Ráða má af myndbandsupptöku að þeir gengu óhikað og skipulega til verks og tók ránið stuttan tíma. Ákærðu til málsbóta er að þeir gáfu sig fram eins og lýst var og vísuðu á ránsfenginn. Þá játuðu þeir sök fyrir dómi. Þeir eru ungir að árum og ákærði Jóel Maron er með hreint sakavottorð. Samkvæmt þessu öllu þykir mega ákveða refsingu þeirra, hvors um sig, 3 ára fangelsi. Til frádráttar skal koma gæsluvarðhaldsvist þeirra eins og í dómsorði segir,“ segir í dómi héraðsdóms.

Þeir eru jafnframt dæmdir til að greiða sakarkostnað. 

mbl.is

Innlent »

Sjálfstæðisflokkurinn aftur stærstur

13:30 Sjálfstæðisflokkurinn mælist sá stjórnmálaflokkur sem nýtur mest fylgis samkvæmt nýrri könnun MMR sem fór fram dagana 17. til 24. febrúar. Í síðustu könnunum MMR hefur Vinstri hreyfingin grænt framboð mælst stærsti flokkurinn, en hann mældist nú næst stærstur. Meira »

„Þetta er að verða bolluvika“

13:11 „Við höfum aldrei gefið upp hvað við bökum mikið magn en það skiptir hundruðum þúsunda sem við bökum af bollum,“ segir Björn Jónsson hjá Myllunni í samtali við mbl.is. Nóg er að gera í bakaríum landsins en landsmenn úða í sig bollum í dag á bolludaginn. Meira »

Nemar gátu ekki lagt vegna fannfergis

12:58 „Ég held að það sé leitun að því í borginni að búið sé að hreinsa jafn mikið af bílastæðum og í kringum Háskólann,“ segir Ingólf Aðalbjörnsson, byggingastjóri Háskóla Íslands. Mbl.is hefur frétt af háskólanemum sem urðu að hverfa frá skólanum í morgun þar sem ekki var búið að ryðja bílastæði. Meira »

Taka á móti skíðagörpum með bros á vör

12:15 „Það eru frábærar aðstæður. Þetta er alveg eins og við viljum hafa það. Það er gríðarlega mikill snjór og búið að troða allar helstu skíðaleiðir,“ segir Gunnar Kr. Björgvinsson, rekstrarstjóri í Bláfjöllum, en skíðasvæðið verður opnað á milli 13-14 í dag. Meira »

Bollur sem þarf ekki að borða

12:00 Bolla ársins hjá UNICEF á Íslandi er óhefðbundin, svokölluð vatnshreinsibolla. Ein slík bolla kostar 420 krónur og fyrir hverja keypta vatnshreinsibollu útvegar UNICEF 500 vatnshreinsitöflur. Meira »

Hjallastefnan byrjar með þvottaþjónustu

11:58 „Eftir að hafa kannað málið hjá foreldrum kom í ljós að margir sáu hag í því að geta komið með óhreina þvottinn á leikskólana og fengið hann hreinan nokkrum dögum síðar. Þetta er nákvæmlega sama hugmynd og matarþjónustan okkar, við erum einfaldlega að létta foreldrum ungra barna lífið.“ Meira »

Mosfellsheiði opnuð á ný

11:39 Vegagerðin hefur opnað Mosfellsheiði á ný, en henni var lokað fyrir um klukkustund síðan vegna umferðarteppu. Þá bendir Vegagerðin einnig á að hálka sé á Hellisheiði, Þrengslum og Sandskeiði og á Suðurlandi sé all víða nokkur hálka eða snjóþekja. Meira »

Varið ykkur á hengjum

11:49 Lögreglan á höfuðborgarsvæðinu beinir þeim tilmælum til fólks á höfuðborgarsvæðinu að huga að grýlukertum og snjóhengjum er lafa fram af húsþökum en af þeim getur stafað mikil hætta. Meira »

Kennaraskortur fyrirsjáanlegur

11:31 Stjórnvöld eru hvött til að grípa til aðgerða til að koma í veg fyrir aðsteðjandi kennaraskort á Íslandi. Þetta kemur fram í nýrri stjórnsýsluúttekt Ríkisendurskoðunar; Kostnaður og skilvirkni kennaramenntunar. Meira »

Ekki lokið við að ryðja húsagötur í dag

11:14 Byrjað var að ryðja húsagötur í höfuðborginni í morgun og segir Halldór Ólafsson, rekstrarstjóri vetrarþjónustu gatna hjá Reykjavíkurborg, verkið ganga hægt fyrir sig. „Þetta nuddast, við skulum bara segja það þannig,“ segir hann í samtali við mbl.is. Meira »

Mosfellsheiði lokuð vegna umferðarteppu

10:34 Mosfellsheiðin er lokuð um óákveðinn tíma vegna umferðarteppu. Þetta kemur fram í tilkynningu frá Vegagerðinni.  Meira »

Útlendingastofnun verði lögð niður

10:29 Gert er ráð fyrir því að Útlendingastofnun verði lögð niður í núverandi mynd í tillögum til úrbóta sem sem kynntar eru í nýrri skýrslu Alþjóðamálastofnunar. Eins verði flóttamannanefnd og innflytjendaráð lagt niður og í staðin verði sett ný stofnun útlendinga- og innflytjendamála á laggirnar. Meira »

Traust til forsetans eykst mikið

10:06 Traust á embætti forseta Íslands hækkar um 26 prósentustig milli ára og mælist nú 83%. Þetta er meðal þess sem kemur fram í Þjóðarpúlsi Gallup, en traust á stofnanir ríkisins eykst almennt nokkuð milli ára. Meira »

Svöruðu ekki könnun vegna ótta

09:52 Aðeins 15% flóttafólks sem hér hafa sest að svöruðu nýrri könnun sem gerð var á högum stöðu flóttamanns/alþjóðlega vernd á Íslandi á árunum 2004-2015. Helsta ástæðan fyrir lélegu svarhlutfalli var ótti fólks við að svör þeirra færu lengra eða væru notuð gegn þeim. Meira »

Almenningssamgöngur aðskildar

07:57 Svæðisskipulagsnefnd höfuðborgarsvæðisins hefur samþykkt og sent sveitarfélögunum verkefnalýsingu vegna breytinga á svæðisskipulagi til að gera ráð fyrir hágæðakerfi almenningssamgangna, svokallaðri borgarlínu. Meira »

Biðja fólk að salta og moka snjó

10:05 Erfitt getur verið fyrir bréfbera og bílstjóra Póstsins að komast að húsum og póstkössum eftir snjókomu helgarinnar, að því er segir í tilkynningu frá Póstinum. Þá geti frostið sem hefur fylgt í kjölfarið einnig gert starfsfólki erfitt um vik að koma út póstsendingum. Meira »

Í draumaheimi væri enginn sérskóli

09:47 Hópur fólks hyggst stofna nýjan skóla, Arnarskóla, með þarfir fatlaðra barna í huga. Skólinn verður sjálfseignarstofnun og mun bjóða heildstæða þjónustu fyrir fötluð börn með fjölþættar þarfir og segja þeir sem standa að stofnum skólans að mikil þörf sé á slíkum skóla hér á landi. Meira »

Bakar þúsundir bolla

07:37 „Hér eru bakaðar einhverjar þúsundir bolla en ef ég man rétt þá láta Íslendingar ofan í sig einhver hundruð þúsunda rjómabolla á sjálfan bolludaginn,“ segir Sigurður Már Guðjónsson, bakara- og kökumeistari Bernhöftsbakarís. Meira »
UHD skjáir ( 4k )
Upplýsingar gefur Ólafur hjá Varmás ehf. sími 566 8144 ...
Daybreak USA húsbíll, 32 fet 2001 árg.
Útdraganleg hlið,arinn,sér svefnherb,gott baðherb með sturtu,eldhús og setustofa...
Skrifstofuhúsnæði Bolholti 4
Til leigu eru tvö skrifstofurými, alls um 110 fermetrar, í austurenda á 5. og ...
stálstólar nýklæddir gæða stólarsími 869-2798
er með nokkra gæða stálstóla nýtt áklæði á 12500 kr stykkið sími 869-2798...
 
Hádegisfundur
Fundir - mannfagnaðir
ses.xd.is Samtök eldri sjálfstæði...
Félagsstarf
Staður og stund
Aflagrandi 40 Opin vinnustofa kl. 9, Bin...
Félagsstarf
Staður og stund
Aflagrandi 40 Opin vinnustofa kl. 9, gön...
L hlín 6017022119 iv/v
Félagsstarf
? HLÍN 6017022119 IV/V Mynd af auglý...