Lokanirnar eru ekkert grín

Slökkviliðsstjóri brýnir fyrir fólki að virða lokanir lögreglu enda sé ...
Slökkviliðsstjóri brýnir fyrir fólki að virða lokanir lögreglu enda sé þeim ætlað að tryggja vettvang, m.a. þannig að hægt sé að koma þangað bifreiðum og tækjum, mbl.is/Eggert

Jón Viðar Matthíasson slökkviliðsstjóri á höfuðborgarsvæðinu brýnir fyrir fólki að virða ekki að vettugi lokanir lögreglu en líkt og mbl.is greindi frá fyrr í dag prílaði fólk yfir gula borða sem lögregla strengdi í kringum vettvang eldvoðans á Grettisgötu í gærkvöldi til að ná betri myndum.

„Þetta vekur mann alltaf til umhugsunar. Lokanirnar eru til að tryggja öryggi þeirra sem eru á svæðinu, ekki síst íbúa, slökkviliðsmanna og annarra. Tryggja athafnasvæðið til þess að hægt sé að vinna á vettvangi og koma þangað tækjum og tólum,” segir Jón Viðar.

Hann rifjar upp Skeifubrunann þann 6. júlí 2014 í því sambandi, þegar slökkvilið átti í vandræðum með að komast á vettvang með tæki og tól vegna fólks á svæðinu sem hunsaði fyrirmæli frá lögreglu.

„Þarna er verið að hugsa um hag allra. Það er mikilvægt að fólk sé ekki að taka neina sénsa og virði lokanir,” segir Jón Viðar og veltir upp þeirri spurningu hvort að fólk átti sig hugsanlega ekki á því hvers vegna lögregla loki vettvangi fyrir almenningi.

Hann segir að þrátt fyrir að ekki hafi komið upp sami vandi og á sínum tíma í Skeifunni sé rétt að brýna það fyrir fólki að lokanirnar séu „ekkert grín“, þvert á móti sé þeim ætlað að tryggja vettvang.

Bíða eftir öruggri inngöngu í húsið

Slökkvilið afhenti lögreglu vettvanginn í morgun. Var haldinn fundur slökkviliðs og lögreglu þar sem farið var yfir öryggismál. Niðurstaða fundarins er að lögreglan myndi leita til sérfæðinga til þess að gæta fyllstu varúðar. Segir Jón Viðar að því sé nú beðið eftir mati sérfræðinga á öryggisástandi. Segir hann það fyrirséð að staðan verði endurmetin á morgun, þ.e. hvort óhætt sé að fara inn í húsið.

Bifreiðar eru á verkstæðinu sem brann og einnig í kjallara hússins. Farið verður í að huga að slíkum hlutum um leið og innkoma inn á svæðið telst örugg.

Jón Viðar segir að ekki séu forsendur til þess að meta tjónið sem varð á bifreiðum í bílakjallaranum. Tuttugu til þrjátíu sentímetra djúpur vatnspollur hafði myndast í kjallaranum þegar slökkviliðsmenn athuguðu svæðið í nótt og telur Jón Viðar að líklega hafi einhverjar reykskemmdir orðið.

mbl.is

Innlent »

„Þið eruð ljós í myrkinu“

Í gær, 23:58 Aðstandendur Birnu Brjánsdóttur senda öllum þeim sem lagt hafa hönd á plóginn við leitina að Birnu, sem ekkert hefur til spurst síðan aðfaranótt laugardags, innilegar þakklætisóskir. Þetta kemur fram í færslu á Facebook síðunni Leit að Birnu Brjánsdóttur nú í kvöld. Meira »

Lífsýnin tekin úr fatnaði

Í gær, 23:06 Lífsýnin sem lögregla tók um borð í grænlenska togaranum Polar Nanoq í tengslum við rannsóknina á hvarfi Birnu Brjánsdóttur komu af klæðnaði. Þetta staðfestir Grímur Grímsson yfirlögregluþjónn. Mennirnir tveir sem nú eru í gæsluvarðhaldi voru í miðbænum að skemmta sér nóttina sem Birna hvarf. Meira »

Gatnamótin opna aftur í september

Í gær, 23:06 Borgarráð Reykjavíkurborgar hefur heimilað útboð á framkvæmdum vegna breytinga á gatnamótum Geirsgötu og Lækjargötu/kalkofnsvegar. Gert er ráð fyrir að verkefnið kosti 600 milljónir króna. Meira »

Ruðningur á rúlluskautum

Í gær, 22:55 Félagið Roller Derby Ísland stóð fyrir nýliðanámskeiði í þessari íþrótt í vikunni. Fóru námskeiðin fram í Kórnum í Kópavogi og var vel mætt. Roller derby, sem er upphaflega bandarísk íþrótt, hefur farið vaxandi hér á landi, þrátt fyrir að vera tiltölulega ný af nálinni. Meira »

Hænsnabændur í 101 Reykjavík

Í gær, 22:15 Dögg Hjaltalín og fjölskylda hennar hafa verið með hænur í Vesturbænum í tæp sex ár. Sjálfbærni og nýtni var henni ofarlega í huga eftir hrun og ein ástæða þess að hún ákvað að gerast hænsnabóndi en hún hefur komist að því að hænurnar eru líka bara ágætis félagsskapur. Meira »

Stefna að því að stytta biðlista

Í gær, 22:08 Landspítalinn hefur sett fram starfsáætlun fyrir árið 2017 sem inniheldur metnaðarfull markmið. Stefnt er að því að fækka á biðlistum, fækka spítalasýkingum og auka starfsánægju svo fátt eitt sé nefnt. Meira »

Keppendur í Söngvakeppninni 2017

Í gær, 21:22 Tólf lög hafa verið valin til þátttöku í undanúrslitum Söngvakeppninnar 2017 sem fer fram í Háskólabíói 25. febrúar og 4. mars. Rúmlega 200 lög bárust í keppnina en sigurlagið verður framlag Íslands í Söngvakeppni evrópskra sjónvarpsstöðva sem haldin verður í Kænugarði í Úkraínu um miðjan maí. Meira »

Uppstökkur og breyskur Andrés

Í gær, 21:57 Andrésblöðin eiga sinn sess í þjóðarsálinni. Eiga þau það sammerkt að koma eingöngu út á Norðurlöndunum, og í Finnlandi er það svo að annað hvert heimili er með áskrift að blöðunum. Sumir segja að persóna Andrésar Andar hafi breyst í tímanna rás. Hann er sagður mildari en hann var þegar Íslendingar lásu hann á dönsku. Er hann þó eftir sem áður einkar uppstökkur og breyskur. Meira »

Þyrlan verður notuð á morgun

Í gær, 21:17 Þyrla Landhelgisgæslunnar, TF-LIF, fór í dag tvívegis til leitar að Birnu Brjánsdóttur, sem nú hefur verið saknað í rétt tæpa viku. Þyrlan fór fyrst í loftið um eittleytið og var leitað í nágrenni Hafnarfjarðar og Kleifarvatns uns komið var inn til lendingar um hálffjögur. Meira »

„Við þurfum öll að vakna!“

Í gær, 20:52 „Við þurfum öll að að vakna,“ segir Ögmundur Jónasson í viðtali í Sunnudagsblaði Morgunblaðsins. Hann segir að vekja þurfi fólk til vitundar um hitamál og gagnrýnir harðlega að rætt skuli bak við lukt tjöld um alþjóðlega viðskiptasamninga, sem gætu orðið afdrifaríkir langt inn í framtíðina. Meira »

Ráðist í endurnýjun á sparkvöllum

Í gær, 20:43 Í borgarráði var samþykkt í vikunni að endurnýja gervigras á sparkvöllum út um alla borg og setja nýrra og betra gras fyrir 50 milljónir króna. Meira »

Vel hægt að vakta miðborgina

Í gær, 20:20 Allar forsendur eru fyrir því að vakta Laugaveginn með eftirlitsmyndavélum þannig að hægt sé að sjá á greinilegri hátt umferð gangandi vegfarenda og bíla. Þetta segir Ómar Örn Jónsson, markaðsstjóri Öryggismiðstöðvarinnar. Meira »

Vinnuslys í Vaðlaheiðargöngum

Í gær, 20:11 Vinnuslys varð í Vaðlaheiðargöngum í gærkvöldi þegar grjót hrundi úr stafninum. „Það fékk maður á sig grjót og brotnuðu þrjú rifbein hjá honum,“ segir Einar Hrafn Hjálmarsson staðar­stjóri Ósafls sem er aðal­verktaki við Vaðlaheiðargöng. Meira »

Yfirheyrslum lokið í dag

Í gær, 19:48 Yfirheyrslum er lokið í dag yfir mönnunum tveimur sem grunaðir erum um að tengjast hvarfi Birnu Brjánsdóttur, að sögn Einars Guðbergs Jónssonar lögreglufulltrúa. Mennirnir verða nú fluttir á Litla-Hraun og ekki hefur enn verið tekin ákvörðun um það hvort yfirheyrslum verði haldið áfram á morgun. Meira »

Fjögur teymi stóðust kröfur

Í gær, 19:38 Öll hönnunarteymin fjögur sem tóku þátt í forvali vegna fullnaðarhönnunar á rannsóknarhúsi nýs Landspítala stóðust kröfur nefndar sem lagði mat á innsend gögn. Fyrsti hópurinn er Grænaborg, þar sem innanborðs eru Arkstudio ehf. Meira »

Fundu blóð í rauða bílnum

Í gær, 20:02 Lögreglan fann blóð í rauðu Kia Rio bifreiðinni sem lagt var hald á í tengslum við hvarf Birnu Brjánsdóttur. Þetta staðfestir Einar Guðberg Jónsson lögreglufulltrúi í samtali við mbl.is. „Jú, hluti af þessum lífsýnum var blóð,“ sagði Einar Guðberg Jónsson lögreglufulltrúi. Meira »

Beinir því til fólks að gæta sín

Í gær, 19:41 Guðlaugur Þór Þórðarson utanríkisráðherra ræddi við Vitt­us Qujaukit­soq, utanríkisráðherra Grænlands, í síma í gær. „Ég hafði samband við hann í gær og við fórum yfir þetta erfiða mál. Grænlendingar eru algjörlega miður sín yfir þessum atburðum og stjórnvöld þar hafa gert allt sem í þeirra valdi stendur til að aðstoða okkur,“ segir Guðlaugur. Meira »

Grunaðir um manndráp

Í gær, 19:29 Úrskurður héraðsdóms um að mennirnir tveir, sem handteknir voru í tengslum við hvarf Birnu Brjánsdóttur, sæti tveggja vikna gæsluvarðhaldi er byggður á grunsemdum um manndráp. Þetta staðfesti Jón H.B Snorrason, aðstoðarlögreglustjóri, í samtali við mbl.is. Meira »
Kæliskápur með frystihólfi til sölu
Til söluHæð. 178cm. Breidd. 56cm. Til sölu AEG ísskápur til innbyggingar, er...
Bækur um ættfræði byggðasögu og ýmsan fróðleik til sölu
hef til sölu nokkur grundavallarrit ættfræðinnar ásamt ritum um atvinnu og byggð...
Þurrkari
...
 
I.o.o.f. ob.1,petrus - 19701178-m.t.w.á
Félagsstarf
I.O.O.F. Ob.1,Petrus - 19701178- M.T.W....
Félagsstarf aldraðra
Staður og stund
Aflagrandi 40 Opin vinnustofa kl. 9, gön...
Eldri borgarar
Staður og stund
Aflagrandi 40 Opin vinnustofa kl. 9, bin...
L hlín 6017011619 lv/v heimsókn til sno
Félagsstarf
? HLÍN 6017011619 lV/V Heimsókn til S...