„Þá skellur þessi höggbylgja á lestinni“

Frá rýmingu lestarinnar eftir sprenginguna í morgun.
Frá rýmingu lestarinnar eftir sprenginguna í morgun. Ljósmynd/Leifur Arnkell Skarphéðinsson

Aðeins sekúndum munaði að lestarvagn Leifs Arnkels Skarphéðinssonar hefði verið við brautarpall Maelbeek-lestarstöðvarinnar þegar sprengja sprakk þar í morgun og tugir manna létu lífið.

Leifur er lögfræðingur hjá fjármála- og efnahagsráðuneytinu og átti bókaðan fund hjá framkvæmdastjórn ESB í morgun. Var hann í lest á leið til Schuman-jarðlestarstöðvarinnar, sem er sú næsta á eftir Maalbeek-stöðinni þar sem sprengjan sprakk í morgun.

„Við vorum rétt ókomin á Maelbeek þegar sprengingin varð og þá skellur þessi höggbylgja á lestinni. Við finnum strax megna brennisteinslykt og mikill reykur kemur inn í lestina. Það stoppaði náttúrulega allt. Lestarstjórinn hélt að vísu aðeins áfram áður en hann stöðvaði lestina. Hann hefur væntanlega verið í losti,“ segir Leifur í samtali við mbl.is.

Framendi lestarinnar átti þá aðeins tuttugu til þrjátíu sekúndur eftir fram að brautarpalli Maelbeek.

„Ég tók lestina frá Central-stöðinni og kannski var það bara heppni að það var einhver töf þar í tvær mínútur. Annars hefði maður líklega verið þarna akkúrat þegar sprengingin verður.“

Leifur segir að sprengjan hafi líklega sprungið niðri í stöðinni, nálægt teinunum. Höggbylgjan hafi verið svo öflug.

Leifur var á leið á lestarstöðina Schuman sem sést til ...
Leifur var á leið á lestarstöðina Schuman sem sést til hægri á kortinu. Herinn leiddi hann og aðra farþega hins vegar aftur til baka frá Maelbeek og upp um lestarstöðina Arts-Loi.

Farþegarnir felmtri slegnir

„Lestarstjórinn kemur svo út úr stýriklefanum og setur í gang svona sjálfvirka rödd sem lætur vita að það hafi eitthvað atvik átt sér stað á teinunum. „Afsakið ónæðið en við erum að vinna í þessu.“ Svona staðlaða bilunartilkynningu.“

Tilkynningin dugði skammt þar sem skelfing greip um sig í lestarvagninum eftir sprenginguna.

„Fólk hélt kannski að það væri kviknað í. Það áttuðu sig að minnsta kosti allir á því að það hefði orðið sprenging fyrir framan lestina. Þetta gat eiginlega ekki verið neitt annað, höggið var það þungt.

Þegar reykurinn kemur inn í vagninn og lyktin sömuleiðis þá grípur um sig mikil skelfing og margir fara hreinlega að gráta.“

Ennþá var þó rafmagn á teinunum og því nutu lestarfarþegar ljóss á meðan á þessu stóð.

„Svo er ekki alls staðar símasamband í jarðlestarkerfinu en heppilega var samband á þessum stað svo maður gat sent tilkynningar heim um að það væri allt í lagi með mann. Auðvitað fór ég strax í símann og hringdi í kærustuna og lét foreldrana og vini vita.“

Farþegarnir voru leiddir af hermönnum um lestargöngin og að næstu ...
Farþegarnir voru leiddir af hermönnum um lestargöngin og að næstu stöð á undan Maelbeek. Ljósmynd/Leifur Arnkell Skarphéðinsson

Hermenn koma til bjargar í göngunum

„Við erum læst þarna niðri í örugglega korter eða tuttugu mínútur. Þá koma hermenn og við erum leidd út úr lestinni að aftanverðu. Við göngum svo alla leið á teinunum að Arts-Loi stöðinni. Það var lykt og reykur í göngunum en góð lýsing svo við sáum alveg hvert við vorum að fara.

Þegar við komum loks á Arts-Loi þá eru þar lögreglumenn í hrönnum með byssur sem leiða okkur upp og út þar. Það er allt í reyk þar líka svo sprengingin hefur verið stór og öflug. Reykurinn var kominn þarna út um allt.“

Leifur segir að þetta hafi vissulega tekið á.

„Auðvitað kemur spennufallið ekki fyrr en maður er kominn upp úr göngunum. Herinn er þar með bíl og vélbyssur og búinn að girða svæðið af og þá fannst manni maður vera öruggur.“

Við komuna á Arts-Loi, þar sem fyrir utan stóðu hermenn ...
Við komuna á Arts-Loi, þar sem fyrir utan stóðu hermenn með vélbyssur og bíla. Ljósmynd/Leifur Arnkell Skarphéðinsson

Vissi af sprengingum á flugvellinum

Leifur segir að góður vinur sinn hafi hringt í sig þegar hann var á leið niður í lestina. Hann hafi sagt honum frá sprengingunum sem þá höfðu nýlega átt sér stað á flugvelli borgarinnar.

„Þess vegna vissi maður strax, um leið og höggbylgjan skall á manni, hvað þetta væri.“

Spurður hvort honum hafi þá þótt skárra að hafa vitað af sprengingunum á flugvellinum segir hann að svo hafi örugglega verið.

„Annars hefði maður kannski haldið að það væri kviknað í þarna og það hefði verið örugglega miklu hættulegra, fyrst maður slapp við sjálfa sprenginguna.

Hvort þetta hefur verið lestin á undan minni sem sprakk eða lestin á leiðinni í hina áttina, það veit ég ekki. Ég er búinn að sjá myndir í belgískum miðlum af lestarvagni sem er í tætlum og sjálfsmorðssprengjumaðurinn hefur væntanlega verið rétt fyrir utan lestina á brautarpallinum þegar hann sprengir sig,“ segir Leifur.

„Nú er maður kominn upp á hótel og næsta verkefni er að reyna að koma sér heim.“

Leifur Arnkell Skarphéðinsson
Leifur Arnkell Skarphéðinsson
mbl.is

Innlent »

Alþjóðlega mikilvæg búsvæði fugla hér

22:12 Skýrsla um búsvæði fugla og íslenskar fuglategundir var kynnt á ársfundi Náttúrufræðistofnunar Íslands (NÍ) í gær. Kristinn Haukur Skarphéðinsson, sviðsstjóri dýrafræði hjá NÍ, hélt þar tvö erindi, um mikilvæg fuglasvæði á Íslandi og um Breiðafjörð – alþjóðlega mikilvægt fuglasvæði. Meira »

Greiddi félagsgjöld fyrir 45 manns

21:14 Formaður Neytendasamtakanna, Ólafur Arnarson, greiddi félagsgjöld fyrir 45 manns fyrir þing samtakanna þar sem hann var síðan kjörinn formaður. Hann segir það ekkert leyndarmál að hann hafi smalað á þingið. Hann þvertekur hins vegar fyrir að hafa greitt félagsgjöldin fyrir fólkið úr eigin vasa. Meira »

Stuðningur heima fyrir mikilvægur

20:05 „Þetta var auðvitað stór dagur fyrir NATO þar sem verið var að vígja nýjar höfuðstöðvar bandalagsins hér í Brussel. Það er mjög tilkomumikið að sjá þau tvö minnismerki sem afhjúpuð voru af því tilefni. Annars vegar hluta úr Berlínarmúrnum og hins vegar stálboga úr burðavirki World Trade Center.“ Meira »

Jöklarnir þynnast um metra á ári

19:07 Ef fram heldur sem horfir verða jöklar á Íslandi horfnir að öllu leyti eftir 150 til 200 ár, en þeir rýrna nú hraðar en heimildir eru fyrir í Íslandssögunni. Þetta segir Tómas Jóhannesson, jarðeðlisfræðingur hjá Veðurstofu Íslands. Meira »

Ofninn gangsettur að nýju

18:23 Ljósbogaofn kís­il­málm­verk­smiðju United Silicon í Helgu­vík var gangsettur að nýju í gærkvöldi eftir að hafa stöðvast á þriðjudagskvöld vegna þess að eitt af rafskautum ofnsins brotnaði. Meira »

Vigdís gengur í Framfarafélagið

18:23 Vigdís Hauksdóttir, fyrrverandi þingmaður Framsóknarflokksins, ætlar að taka þátt í starfi Framfarafélagsins, nýs félags Sigmundar Davíðs Gunnlaugssonar, fyrrverandi formanns flokksins, sem formlega verður stofnað á laugardaginn. Meira »

Ær og lömb krubbuð í krubbur

17:04 Starfið er margt hjá bændum á sauðfjárbúum þar sem sauðburður er víðast langt kominn. Fjárhús eru víða full af nýlega bornum ám sem eru samviskusamlega krubbaðar sundur ein og tvær í krubbu eftir aldri lambanna. Meira »

„Dásamleg, kurteis og harðdugleg“

17:34 „Ég hef aldrei tjáð mig um áhöfn Baldurs, nema jú til að hrósa henni. Það hef ég ítrekað gert,“ segir Elliði Vignisson, bæjarstjóri í Vestmannaeyjum, í samtali við mbl.is. Hann er afar ósáttur við orð Halldórs Jóhannessonar, yfirstýrimanns á Breiðafjarðarferjunni Baldri. Meira »

Costco lækkar olíuverð

16:52 Lítrinn á díselolíu hjá Costco hefur lækkað úr 164,9 krónum niður í 161,9 krónur. Brett Vig­elskas, fram­kvæmda­stjóri Costco á Íslandi, staðfestir að verðið hafi lækkað um þrjár krónur. Meira »

Mikil örtröð í Costco

16:32 Mikil örtröð hefur verið við Costco í Kauptúni í Garðabæ síðan í morgun og ljóst er að fjölmargir hafa nýtt sér þennan frídag til að gera sér ferð í verslunina. Röð viðskiptavina hefur verið inn í verslunina síðan hún opnaði í morgun klukkan tíu. Meira »

Stórstjarna keppir á Ísland í sumar

15:48 Kanadíski hjólreiðamaðurinn Ryder Hesjedal verður meðal keppenda í Kia-gullhringnum í júlí, en hann sigraði meðal annars Giro D`Italia-keppnina árið 2012, en það er ein af þremur stærstu götuhjólakeppnum hvers árs og er samtals hjólað í 21 dag. Meira »

Sigmundur fær sömu tækifæri og aðrir

15:35 „Ég er í mjög öflugum lýðræðislegum samvinnuflokki og fæ útrás þar. Ég er hins vegar alveg ánægður með að menn finni hugsjónum sínum einhvern farveg,“ segir Sigurður Ingi Jóhannsson, formaður Framsóknarflokksins. Meira »

Fyrsta alþjóðlega salsadanshátíðin

15:06 Alþjóðlega salsadanshátíðin Midnight Sun Salsa hefst í dag en þetta er í fyrsta skipti sem hátíðin er haldin hér á landi.  Meira »

Dapurleg síðustu Síldarævintýri

14:18 „Undanfarin ár hefur verið mjög dræm mæting á þessa hátíð. Það hefur verið ansi dapurt og veðrið kannski sett strik í reikninginn,“ segir Gunnar I. Birgisson, bæjarstjóri í Fjallabyggð, um Síldarævintýri á Siglufirði sem haldið hefur verið árlega síðan 1991. Meira »

Dúxinn fór beint í sauðburð

13:01 Tækniskólinn útskrifaði í gær 464 nemendur af framhalds- og fagháskólastigi. Þá voru í fyrsta sinn nemendur útskrifaðir frá þremur brautum; hönnunar og nýsköpunarbraut, kvikmyndatækni og frá Vefskólanum, en Vefskólinn er tveggja ára diplómanám sérsniðið að vefhönnun og forritun veflausna. Meira »

Fleiri feður fá hámarksgreiðslur

14:36 Árið 2016 fengu 53 prósent þeirra feðra sem tóku fæðingarorlof hámarksgreiðslu úr fæðingarorlofssjóði á meðan aðeins tæp 25 prósent kvenna fengu hámarksgreiðslu. Þetta kemur fram í svari Þorsteins Víglundssonar, félags- og jafnréttismálaráðherra. Meira »

Sæbjúgnaveiðarnar upp á næsta stig

13:15 Tilraunir með ný veiðarfæri gefa góða raun og unnið er að því að þróa vélar sem nota vatnsskurð og myndgreiningu til að verka sæbjúgun. Stór ESB-styrkur gefur vind í seglin. Meira »

„Talaði um bátinn sem drullupung“

11:57 „Það var leiðindamórall hérna fyrst gagnvart okkur, sérstaklega frá honum. Hann talaði um bátinn sem drullupung, sem einhvern lundaskoðunarbát úr Breiðafirði. Hann talaði svolítið niður til okkar allan tímann, þannig að hann hlýtur að geta tekið á móti þessu,“ segir Halldór Jóhannesson. Meira »

Vilborg Arna klífur Everest 2017

Trigger- Punkta - Spjöld 2stk 7500 kr
Trigger punkta spjöld 74cm x 53 cm kr 7500 (2stk) 1 af neðri hluta líkamans se...
Leikjavefurinn Snilld - www.snilld.is
www.snilld.is - Frábært úrval af leikjum á leikjavefnum Snilld. Skelltu þér i...
Tölvuþjónusta
Alhliða tölvuviðgerð, vírushreinsun, vírusvarnir, gagnabjörgun og verðtilboð. F...
 
Aðalfundur 2017
Fundir - mannfagnaðir
Aðalfundur Lögfræðingafélags Íslands ...
Framhald uppboðs
Nauðungarsala
Uppboð Einnig birt á www.naudungarsolu...
Meðeigandi óskast í málmfyrirtæki upplý
Ýmislegt
Meðeigandi óskast í málmfyrirtæki Up...
Mat á umhverfisáhrifum
Tilkynningar
Mat á umhverfisáhrifum Athu...