Svanur Kristjánsson, prófessor við Háskóla Íslands, segir að forseti Íslands beri ábyrgð á áframhaldandi setu Sigmundar Davíðs Gunnlaugssonar sem forsætisráðherra. Hann segist ekki verða undrandi ef í vikulok skipi forsetinn utanþingsstjórn.

„Forseti Íslands ber sérstaka ábyrgð á Sigmundi Davíð Gunnlaugssyni sem forsætisráðherra,“ skrifar Svanur í færslu á facebooksíðu sinni. „Við stjórnarmyndun 2013 gekk forsetinn framhjá Bjarna Benediktssyni, formanni stærsta flokksins, en valdi formann þess næststærsta.“

Frétt mbl.is: Forsetinn flýtir heimför

Svanur rifjar upp að Ólafur Ragnar Grímsson forseti hafi útskýrt þessa ákvörðun sína í maí árið 2013 og sagt: „Ég valdi leiðtoga Framsóknarflokksins, en í kosningabaráttu sinni lagði hann mesta áherslu á að takast á við skuldir heimilanna og beita þá vogunarsjóði, eða hvað þeir kallast, þrýstingi svo þeir næðu ekki fram þeim gífurlega hagnaði sem þeir hugðust ná fram í íslensku bankakreppunni. Það var mjög athyglisverður lýðræðislegur sigur og þess vegna veitti ég honum umboð til að leiða næstu ríkisstjórn.“

Svo skrifar Svanur:

„Forseti Íslands tók sér vald til að velja Sigmund Davíð í embætti forsætisráðherra íslenska lýðveldisins. Forseti Íslands ber því ábyrgð á áframhaldandi setu hans sem forsætisráðherra.

Öllu valdi verður nefnilega að fylgja ábyrgð. Forseti Íslands er á heimleið til að gegna skyldum sínum. Ég yrði ekki undrandi ef í vikulok skipi forseti Íslands utanþingsstjórn. Nýr forsætisráðherra og forseti Íslands rjúfi síðan þing - þingkosningar verði skömmu eftir forsetakosningar.“

Tengdar fréttir

Panamaskjölin

Fyrrverandi forsetar Panama ákærðir

• Sýkna yfir Sjólaskipssystrum stendur
• Mál Sjó­la­skipa­systkina send aftur í hérað
• Alþjóðleg handtökuskipun gefin út
• Öllum málum Sjólaskipasystkina vísað frá

» Fleiri tengdar fréttir

• 1 blogg um fréttina

Bloggað um fréttina

• S i g u r ð u r S i g u r ð a r s o n: Botnlaus þvæla í Svani Kristjánssyni prófessor