Bjarni og Ólafur komnir heim
Setja bókamerki
Bjarni Benediktsson, fjármála- og efnahagsráðherra, lenti í Keflavík á sjöunda tímanum á morgun. Hann hefur dvalið í Bandaríkjunum síðustu daga ásamt fjölskyldu sinni. Ólafur Ragnar Grímsson, forseti Íslands, er einnig kominn til Íslands.
Mun Bjarni hitta Sigmund Davíð Gunnlaugsson forsætisráðherra fyrir hádegi í dag en það verður hans fyrsta verk eftir heimkomuna, líkt og kemur fram í Morgunblaðinu í dag.
Þá mun hann einnig funda með þingflokki Sjálfstæðisflokksins. Ræddi hann við sitt fólk í gegnum fjarfundabúnað í gær.
Ekki liggur fyrir hvernig dagskrá Bjarna verður háttað fyrir hádegi.
Bjarni sagðist í viðtali við Ríkisútvarpið í gærkvöldi ekki hafa rætt við Sigmund Davíð í gær. Þá hafi hann ekki talað við Ólaf Ragnar í nokkurn tíma.
Forsteinn var staddur erlendis í einkaerindum en flýtti heimferð sinni að sögn Örnólfs Thorssonar forsetaritara. Hann vildi ekki tjá sig um ástæðu þess að forsetinn ákvað að flýta ferð sinni heim.
Yfir 20 þúsund símtöl verða að engu
Austfirðingur: „Þá fékk ég aðeins kjánahroll“
Halla hélt forystu en Katrín sækir á
Kippur í skilum fólks á fálkaorðum
Áfram í haldi grunaður um manndráp
Varðhald rennur út á morgun