Vorboðarnir ljúfu, farfuglarnir, eru farnir að sjást þó enn sé vika, jafnvel tíu dagar, í að krían komi úr sínu langflugi.

Lóan er þegar komin, en um 40 heiðlóur sáust á höfuðborgarsvæðinu um síðustu helgi að því er talið er í fyrsta sinn þetta vorið. Yfir 40 lóur sáust á túni á Álftanesi, ekki langt frá Bessastöðum. Þá hefur lóuþræll einnig sést, hrossagaukar sömuleiðis og heiðagæsin er komin.

„Það er enn vika til tíu dagar í kríuna. Það fer eftir því hvernig vindar blása,“ segir Jóhann Óli Hilmarsson, formaður Fuglaverndar. „Það er búið að vera mjög gott veður hér á landi og mikið sést af farfuglum. Það er til dæmis mikið búið að koma af skógarþröstum að undanförnu. Svokölluð skógarþrastabylgja,“ segir Jóhann Óli.

Tengdar fréttir

Íslenska dýraríkið

Velja íslenskt hafsvæði í stað þess karabíska

• „Verulega óvenjulegt og ótrúlega merkilegt“
• „Fer að verða eins og heimilisköttur“
• Sterkur viljinn til að standa á eigin fótum
• Einn eftirminnilegasti dagurinn á ævi Tómasar

» Fleiri tengdar fréttir